ಹೋಮ್ ಲೋನ್ ಮಂಜೂರಾತಿ ಪತ್ರ

ನಿಮ್ಮ ಅಪ್ಲಿಕೇಶನ್ ಪ್ರಕ್ರಿಯೆಗೊಳಿಸಿದ ನಂತರ, ನೀವು ನಿಮ್ಮ ಹೋಮ್ ಲೋನ್‌ನಲ್ಲಿ ಕೇಳಿರಬಹುದಾದ ಅಥವಾ ನಿಮ್ಮ ಕ್ರೆಡಿಟ್ ಹಿನ್ನೆಲೆ, ಆದಾಯ, ಬಾಕಿ ಉಳಿದಿರುವ ಲೋನ್‌ಗಳು ಮತ್ತು ವಯಸ್ಸು ಮೊದಲಾದವುಗಳನ್ನು ಆಧರಿಸಿದ ನಿಯಮಗಳನ್ನು ನಿಮ್ಮ ಸಾಲದಾತರು ನಿಮಗೆ ಆಫರ್ ಮಾಡುತ್ತಾರೆ. ಈಗಿನ ಆಸ್ತಿ ಮೌಲ್ಯದ ಜೊತೆಗೆ ಮೌಲ್ಯ ಏರಿಕೆಯ ಸಂಭಾವ್ಯತೆಯನ್ನೂ ಸಹ ಸಾಲದಾತರು ಪರಿಗಣಿಸುತ್ತಾರೆ. ಇದರ ನಂತರ ನೀವು ಪ್ರತಿ ತಿಂಗಳು ಮರುಪಾವತಿಸಬೇಕಾದ ಮೊತ್ತವನ್ನು ತಿಳಿದುಕೊಳ್ಳಲು ಹೋಮ್ ಲೋನ್ EMI ಕ್ಯಾಲ್ಕುಲೇಟರ್ ಬಳಸಬೇಕು. ನಿಮಗೆ ನೀಡಿದ ಮಂಜೂರಾತಿ ಪತ್ರವನ್ನು ಬಹಳ ಜಾಗರೂಕತೆಯಿಂದ ಓದಿ ಅರ್ಥಮಾಡಿಕೊಂಡಿರಬೇಕು. ಮಂಜೂರಾತಿ ಪತ್ರಗಳು ಲೋನಿನ ಒಪ್ಪಂದ ಅಂದರೆ ಮಂಜೂರು ಮಾಡುವ ಒಟ್ಟು ಮೊತ್ತ, ಬಡ್ಡಿ ದರ ಮತ್ತು ಅದನ್ನು ಲೆಕ್ಕ ಹಾಕಲಾದ ಮೂಲಭೂತ ದರ, ದರವು ಫಿಕ್ಸೆಡ್ ಅಥವಾ ಫ್ಲೋಟಿಂಗ್ ಹಾಗೂ ಲೋನ್‌ನ ಅವಧಿ ಮೊದಲಾದವುಗಳ ಕುರಿತ ಮಾಹಿತಿಯನ್ನು ಒಳಗೊಂಡಿರುತ್ತದೆ.

ಇವು ನೀವು ಪ್ರತಿ ತಿಂಗಳು ಪಾವತಿಸಬೇಕಾದ EMI ಅನ್ನು ಆನ್‌ಲೈನ್ ಕ್ಯಾಲ್ಕುಲೇಟರ್ ಬಳಸಿ ಲೆಕ್ಕ ಹಾಕಲು ಬೇಕಾದ ವಿವರಗಳಾಗಿವೆ. ನಂತರ ನೀವು ಸಾಲದಾತರು ಸೂಚಿಸಿದ ನಿಯಮಗಳ ಲೋನ್‌ನೊಂದಿಗೆ ಮುಂದುವರಿಯಬೇಕೇ ಎಂಬುದನ್ನು ನಿರ್ಧರಿಸಬಹುದು ಅಥವಾ ಉತ್ತಮ ಕೊಡುಗೆಗಳನ್ನು ಪಡೆಯಲು ಇತರೆ ಸಾಲದಾತರೊಂದಿಗೆ ಹೋಲಿಸಿ ನೋಡಬಹುದು. ಮಂಜೂರಾತಿ ಪತ್ರವು ಅಂತಿಮ ಹೋಮ್ ಲೋನ್ ಒಪ್ಪಂದವಲ್ಲ ಹಾಗೂ ಅದು ಲೋನನ್ನು ಕಾನೂನುಬದ್ಧವಾಗಿ ಅನುಮೋದಿಸುವುದಿಲ್ಲ. ಅಂತಿಮ ಒಪ್ಪಂದವನ್ನು ಮಾಡುವ ಮೊದಲು ನೀವು ಇತರೆ ಹಿನ್ನೆಲೆ ಪರೀಕ್ಷೆಗಳಿಗೆ ಒಳಪಡಬೇಕಾಗುತ್ತದೆ ಹಾಗೂ ಹೆಚ್ಚುವರಿ ಡಾಕ್ಯುಮೆಂಟ್‌ಗಳನ್ನು ಸಲ್ಲಿಸಬೇಕಾಗುತ್ತದೆ. ಈ ಪತ್ರಗಳು ಒಂದು ನಿರ್ದಿಷ್ಟ ಮಾನ್ಯತೆಯನ್ನು ಹೊಂದಿರುತ್ತವೆ, ಅದು ಸಾಮಾನ್ಯವಾಗಿ 6 ತಿಂಗಳಾಗಿರುತ್ತದೆ. ಈ ಅವಧಿ ಮುಗಿದ ನಂತರ ನಿಮಗೆ ಮಂಜೂರಾತಿ ಪತ್ರದಲ್ಲಿರುವ ಲೋನಿನ ನಿಯಮಗಳನ್ನು ಸ್ವೀಕರಿಸಲಾಗುವುದಿಲ್ಲ ಮತ್ತು ನೀವು ಹೊಸದಾಗಿ ಅಪ್ಲೈ ಮಾಡಬೇಕಾಗುತ್ತದೆ. ಅಲ್ಲದೆ, ನಿಮ್ಮ ಖರೀದಿಯನ್ನು ಅಂತಿಮಗೊಳಿಸುವ ಮೊದಲು ಕೆಲವು ರಿಯಲ್ ಎಸ್ಟೇಟ್ ಡೆವಲಪರ್‌ಗಳು ಈ ಪತ್ರದ ಒಂದು ಪ್ರತಿಯನ್ನು ಕೇಳುತ್ತಾರೆ.

ನೀವು ಪತ್ರವನ್ನು ಜಾಗರೂಕತೆಯಿಂದ ಓದಿ, ಎಲ್ಲಾ ನಿಯಮಗಳು ಮತ್ತು ಷರತ್ತುಗಳನ್ನು ಒಪ್ಪಿಕೊಂಡ ನಂತರ, ಮುಂದಿನ ಹಂತದ ಪ್ರಕ್ರಿಯೆಗೆ ಅಗತ್ಯವಾದ ಎಲ್ಲಾ ದಾಖಲೆಗಳನ್ನು ಸಲ್ಲಿಸಲು ಸಿದ್ಧತೆ ಮಾಡಿಕೊಳ್ಳಿ. ಬಜಾಜ್ ಫಿನ್‌ಸರ್ವ್‌ ಹೋಮ್ ಲೋನ್ನ ಜೊತೆಗೆ ಇತರೆ ವಿಧದ ಲೋನ್‌ಗಳಿಗೂ ಸಹ ಮುಂಗಡ-ಅನುಮೋದಿತ ಆಫರ್‌ಗಳನ್ನು ಒದಗಿಸುತ್ತದೆ. ಇದು ಸಮಯ ಉಳಿಸಲು ನೆರವಾಗುತ್ತದೆ ಹಾಗೂ ನೀವು ಆಫರನ್ನು ಪರಿಶೀಲಿಸಿ ಕೆಲವು ಮೂಲಭೂತ ಮಾಹಿತಿಯನ್ನು ಹಂಚಿಕೊಳ್ಳಬೇಕಾಗುತ್ತದೆ. ನಿಮ್ಮ ಕನಸಿನ ಮನೆಗೆ ಬಜಾಜ್ ಫಿನ್‌ಸರ್ವ್‌ನಿಂದ ತ್ವರಿತ ಹಣಕಾಸು ಪಡೆಯಿರಿ.

ಇದನ್ನೂ ಓದಿ: ಹಂತಹಂತವಾದ ಹೋಮ್ ಲೋನ್ ಪ್ರಕ್ರಿಯೆ