ಹೋಮ್ ಲೋನ್ ಬ್ಯಾಲೆನ್ಸ್ ಟ್ರಾನ್ಸ್‌ಫರ್‌ಗೆ ಡಾಕ್ಯುಮೆಂಟ್‌ಗಳು

ನಿಮ್ಮ ಹೋಮ್ ಲೋನ್ ಬ್ಯಾಲೆನ್ಸ್ ಟ್ರಾನ್ಸ್‌ಫರ್ ಪ್ರಕ್ರಿಯೆಯನ್ನು ಸುಲಭಗೊಳಿಸಲು, ಅಗತ್ಯವಿರುವ ಡಾಕ್ಯುಮೆಂಟ್‌ಗಳ ವ್ಯಾಪಕ ಪಟ್ಟಿ ಇಲ್ಲಿದೆ. ಈ ಪಟ್ಟಿಯು ಪ್ರಕ್ರಿಯೆಯ ಆರಂಭದಿಂದ ಕೊನೆಯವರೆಗೆ ಅಗತ್ಯವಿರುವ ಪ್ರತಿಯೊಂದು ಡಾಕ್ಯುಮೆಂಟ್‌ಗಳನ್ನು ಒಳಗೊಂಡಿರುತ್ತದೆ. ಈ ಪ್ರಕ್ರಿಯೆಯಲ್ಲಿ ಇಬ್ಬರು ಸಾಲದಾತರು ಒಳಗೊಂಡಿರುವುದರಿಂದ, ನೀವು ನಿಮ್ಮ ಪ್ರಸ್ತುತದ ಸಾಲದಾತರಿಂದ ಕೆಲವು ಡಾಕ್ಯುಮೆಂಟ್‌ಗಳನ್ನು ಸಂಗ್ರಹಿಸಿ, ಅವುಗಳನ್ನು ನಿಮ್ಮ ಹೊಸ ಸಾಲದಾತರಿಗೆ ಸಲ್ಲಿಸಬೇಕಾಗುತ್ತದೆ.

ನಿಮ್ಮ ಅಸ್ತಿತ್ವದಲ್ಲಿರುವ ಸಾಲದಾತರಿಂದ ನಿಮಗೆ ಅಗತ್ಯವಿರುವ ಡಾಕ್ಯುಮೆಂಟ್‌ಗಳ ಪಟ್ಟಿ

  1. ಸಮ್ಮತಿ ಪತ್ರ
    ನೀವು ಹೋಮ್ ಲೋನ್ ಟ್ರಾನ್ಸ್‌ಫರ್‌ನ ಬಗ್ಗೆ ತಿಳಿಯಪಡಿಸುವ ಒಂದು ಔಪಚಾರಿಕ ಅಪ್ಲಿಕೇಶನನ್ನು ನಿಮ್ಮ ಈಗಿನ ಸಾಲದಾತರಿಗೆ ಸಲ್ಲಿಸಿ, ಸಮ್ಮತಿ ಪತ್ರವನ್ನು ಕೇಳಬೇಕಾಗುತ್ತದೆ.
     
  2. ನೋ ಆಬ್ಜೆಕ್ಷನ್ ಸರ್ಟಿಫಿಕೇಟ್
    ನೋ ಅಬ್ಜೆಕ್ಷನ್ ಪ್ರಮಾಣ ಪತ್ರ ಅಥವಾ NOC, ನಿಮ್ಮ ಹೋಮ್ ಲೋನನ್ನು ಹೊಸ ಸಾಲದಾತರಿಗೆ ವರ್ಗಾಯಿಸಲು ನಿಮ್ಮ ಪ್ರಸ್ತುತದ ಸಾಲದಾತರಿಗೆ ಯಾವುದೇ ತೊಂದರೆಯಿಲ್ಲ ಎಂಬುದನ್ನು ಸೂಚಿಸುತ್ತದೆ.
     
  3. ಫೋರ್‌ಕ್ಲೋಸರ್ ಪತ್ರ 
    ಅಂತಿಮವಾಗಿ, ನಿಮ್ಮ ಹೋಮ್ ಲೋನನ್ನು ಸೂಚಿಸಿದ ದಿನಾಂಕದಂದು ಫೋರ್‌ಕ್ಲೋಸ್ ಮಾಡಲಾಗಿದೆ ಮತ್ತು ಯಾವುದೇ ಮೊತ್ತವು ಬಾಕಿ ಉಳಿದಿಲ್ಲವೆಂದು ತಿಳಿಸುವ ಒಂದು ಫೋರ್‌ಕ್ಲೋಸರ್ ಪತ್ರ ಬೇಕಾಗುತ್ತದೆ. ನಿಮ್ಮ ಹೊಸ ಸಾಲದಾತರು ನಿಮ್ಮ ಬಾಕಿ ಉಳಿದ ಲೋನ್ ಮೊತ್ತವನ್ನು ನಿಮ್ಮ ಪ್ರಸ್ತುತದ ಸಾಲದಾತರಿಗೆ ಪಾವತಿಸಿದ ನಂತರ ಈ ಪತ್ರವನ್ನು ನೀಡಲಾಗುತ್ತದೆ.
     
  4. ಹೋಮ್ ಲೋನ್ ಸ್ಟೇಟ್ಮೆಂಟ್
    ನಿಮ್ಮ EMI ಮರುಪಾವತಿ ಟ್ರ್ಯಾಕ್ ರೆಕಾರ್ಡನ್ನು ತೋರಿಸುವ ಹೋಮ್ ಲೋನ್‌ನ ಸ್ಟೇಟ್ಮೆಂಟ್ ಸಂಗ್ರಹಿಸಿ. ಈ ಸ್ಟೇಟ್ಮೆಂಟ್ ಬಾಕಿ ಉಳಿದಿರುವ ಲೋನ್ ಮೊತ್ತವನ್ನೂ ಹೊಂದಿರುತ್ತದೆ.
     
  5. ಪ್ರಾಪರ್ಟಿ ದಾಖಲೆಗಳು
    ನೀವು ನಿಮ್ಮ ಈಗಿನ ಸಾಲದಾತರಿಂದ ನಿಮ್ಮ ಆಸ್ತಿ-ಸಂಬಂಧಿತ ಡಾಕ್ಯುಮೆಂಟ್‌ಗಳನ್ನು ಸಂಗ್ರಹಿಸಬೇಕಾಗುತ್ತದೆ.
     
  6. ಪೋಸ್ಟ್-ಡೇಟೆಡ್ ಚೆಕ್‌ಗಳು
    ನೀವು ಹೋಮ್ ಲೋನ್ ತೆಗೆದುಕೊಳ್ಳುವಾಗ ಪೋಸ್ಟ್-ಡೇಟೆಡ್ ಚೆಕ್‌ಗಳನ್ನು ಸಲ್ಲಿಸಿರಬಹುದು. ಬಾಕಿ ಚೆಕ್‌ಗಳನ್ನು ಹಿಂದೆ ತೆಗೆದುಕೊಳ್ಳಲು ಮರೆಯದಿರಿ.

ನೀವು ನಿಮ್ಮ ಹೊಸ ಸಾಲದಾತರಿಗೆ ಸಲ್ಲಿಸಬೇಕಾದ ಡಾಕ್ಯುಮೆಂಟ್‌ಗಳು

1. ಕೆವೈಸಿ ಡಾಕ್ಯುಮೆಂಟ್‌ಗಳು

ಇದು ನಿಮ್ಮ ಗುರುತಿನ ಪರಿಶೀಲನೆಯ ಉದ್ದೇಶಕ್ಕಾಗಿ. ನೀವು ಕೆಳಗೆ ಸೂಚಿಸಿದ ಪಟ್ಟಿಯಿಂದ ಕನಿಷ್ಠ ಒಂದು ದಾಖಲೆಯನ್ನು ಸಲ್ಲಿಸಬೇಕಾಗುತ್ತದೆ:

  • ವೋಟರ್ ID
  • ಡ್ರೈವಿಂಗ್ ಲೈಸೆನ್ಸ್
  • NREGA ನೀಡಿದ ಜಾಬ್ ಕಾರ್ಡ್
  • ಆಧಾರ್ ಕಾರ್ಡ್
  • ಪ್ಯಾನ್ ಕಾರ್ಡ್ (ಪ್ಯಾನ್ ಕಾರ್ಡ್ ಗುರುತಿನ ಪುರಾವೆಯಾಗಿ ಮಾತ್ರ)

2. ವಿಳಾಸದ ಪುರಾವೆ

ಇದು ನಿಮ್ಮ ವಿಳಾಸದ ವಿವರಗಳ ಪರಿಶೀಲನೆಯ ಉದ್ದೇಶಕ್ಕಾಗಿ. ನೀವು ಕೆಳಗೆ ಸೂಚಿಸಿದ ಪಟ್ಟಿಯಿಂದ ಕನಿಷ್ಠ ಒಂದು ದಾಖಲೆಯನ್ನು ಸಲ್ಲಿಸಬೇಕಾಗುತ್ತದೆ:

  • ಪಾಸ್‌ಪೋರ್ಟ್
  • ವೋಟರ್ ID ಕಾರ್ಡ್
  • ಡ್ರೈವಿಂಗ್ ಲೈಸೆನ್ಸ್
  • ಆಧಾರ್ ಕಾರ್ಡ್

3. ಹಣಕಾಸಿನ ಡಾಕ್ಯುಮೆಂಟ್‌ಗಳು

ಇದು ನಿಮ್ಮ ಮರುಪಾವತಿಯ ಸಾಮರ್ಥ್ಯ ಮತ್ತು ಆದಾಯ ಮೂಲದ ಪರಿಶೀಲನೆಯ ಉದ್ದೇಶಕ್ಕಾಗಿ. ನೀವು ಕೆಳಗೆ ಸೂಚಿಸಿದ ಡಾಕ್ಯುಮೆಂಟ್‌ಗಳನ್ನು ಸಲ್ಲಿಸಬೇಕಾಗುತ್ತದೆ:

  • ಫಾರಂ 16
  • ಇತ್ತೀಚಿನ ಸಂಬಳದ ಸ್ಲಿಪ್‌ಗಳು
  • ಕಳೆದ ಆರು ತಿಂಗಳ ಸಂಬಳದ ಅಕೌಂಟಿನ ಬ್ಯಾಂಕ್ ಸ್ಟೇಟ್ಮೆಂಟ್‌ಗಳು

4. ಪ್ರಾಪರ್ಟಿ-ಸಂಬಂಧಿತ ಡಾಕ್ಯುಮೆಂಟ್‌ಗಳು

ಇದು ನಿಮ್ಮ ಪ್ರಾಪರ್ಟಿಯ ಪರಿಶೀಲನೆಯ ಉದ್ದೇಶಕ್ಕಾಗಿ. ನೀವು ಕೆಳಗೆ ಸೂಚಿಸಿದ ಡಾಕ್ಯುಮೆಂಟ್‌ಗಳನ್ನು ಸಲ್ಲಿಸಬೇಕಾಗುತ್ತದೆ:

  • ಆಸ್ತಿ ಖರೀದಿಯ ಡಾಕ್ಯುಮೆಂಟ್‌ಗಳು ಅಥವಾ ಆಸ್ತಿಯ ಮಾಲೀಕತ್ವವನ್ನು ರುಜುವಾತುಪಡಿಸುವ ಡಾಕ್ಯುಮೆಂಟ್‌ಗಳು
  • ನಿಮ್ಮ ಡೆವಲಪರ್/ಹೌಸಿಂಗ್ ಸೊಸೈಟಿಯ NOC
  • ನೋಂದಣಿ, ಸ್ಟ್ಯಾಂಪ್ ಡ್ಯೂಟಿ ಪಾವತಿಗಳು

5. ನಿಮ್ಮ ಈಗಿನ ಹೋಮ್ ಲೋನ್‌ನ ಡಾಕ್ಯುಮೆಂಟ್‌ಗಳು

ಇದನ್ನು ನಿಮ್ಮ ಪ್ರಸ್ತುತದ ಲೋನ್ ವಿವರಗಳನ್ನು ಪರಿಶೀಲಿಸಲು ಮತ್ತು ನಿಮ್ಮ ಹೋಮ್ ಲೋನನ್ನು ಟ್ರಾನ್ಸ್‌ಫರ್ ಮಾಡಲು ನಿಮ್ಮ ಸಾಲದಾತರಿಗೆ ಯಾವುದೇ ಆಕ್ಷೇಪಣೆ ಇಲ್ಲ ಎಂಬುದನ್ನು ದೃಢೀಕರಿಸುವುದಕ್ಕಾಗಿ ಮಾಡಲಾಗುತ್ತದೆ. ನೀವು ಈ ದಾಖಲೆಗಳನ್ನು ನಿಮ್ಮ ಪ್ರಸ್ತುತದ ಸಾಲದಾತರಿಂದ ಸಂಗ್ರಹಿಸಿ ನಿಮ್ಮ ಹೊಸ ಸಾಲದಾತರಿಗೆ ಸಲ್ಲಿಸಬೇಕು:

  • ನಿಮ್ಮ ಈಗಿನ ಸಾಲದಾತರೊಂದಿಗಿನ ಲೋನ್ ಒಪ್ಪಂದ ಅಥವಾ ಲೋನ್ ಮಂಜೂರಾತಿ ಪತ್ರ
  • ನಿಮ್ಮ ಈಗಿನ ಸಾಲದಾತರಿಂದ ಅನುಮೋದನೆಗಳು (ಸಮ್ಮತಿ ಪತ್ರ, NOC, ಫೋರ್‌ಕ್ಲೋಸರ್ ಪತ್ರ)
  • ಇಂದಿನವರೆಗಿನ ಹೋಮ್ ಲೋನ್ ಸ್ಟೇಟ್ಮೆಂಟ್
    ಮೇಲೆ ಸೂಚಿಸಿದ ಎಲ್ಲಾ ಡಾಕ್ಯುಮೆಂಟ್‌ಗಳನ್ನು ಸಲ್ಲಿಸಿ, ಪರಿಶೀಲಿಸಿದ ನಂತರ, ನಿಮ್ಮ ಬ್ಯಾಲೆನ್ಸ್ ಟ್ರಾನ್ಸ್‌ಫರ್ ಪ್ರಕ್ರಿಯೆಯು ಸರಾಗವಾಗುತ್ತದೆ.

ನೀವು ಬ್ಯಾಲೆನ್ಸ್ ಟ್ರಾನ್ಸ್‌ಫರ್ ಸೌಲಭ್ಯದ ಪ್ರಯೋಜನವನ್ನು ಪಡೆಯಲು ಬಯಸಿದರೆ, ಈ ಡಾಕ್ಯುಮೆಂಟ್‌ಗಳ ಪಟ್ಟಿಯನ್ನು ಬರೆದಿಟ್ಟುಕೊಳ್ಳಿ ಮತ್ತು ಅವುಗಳನ್ನು ಸಂಗ್ರಹಿಸಲು ಆರಂಭಿಸಿ.