ಪ್ರಾವಿಡೆಂಟ್ ಫಂಡ್ ಮಾರ್ಗದರ್ಶಿ

2 ನಿಮಿಷದ ಓದು

ಸಾರ್ವಜನಿಕ ಭವಿಷ್ಯ ನಿಧಿ (ಪಿಪಿಎಫ್) ಯೋಜನೆಯು ಭಾರತದಲ್ಲಿ ನಿರ್ದಿಷ್ಟವಾಗಿ ಜನಪ್ರಿಯ ಸರ್ಕಾರಿ ಬೆಂಬಲಿತ ದೀರ್ಘಾವಧಿಯ ಉಳಿತಾಯ ಯೋಜನೆಯಾಗಿದ್ದು, ಇದು ತೆರಿಗೆ ಉಳಿತಾಯ, ಆದಾಯ ಮತ್ತು ಸುರಕ್ಷತೆಯ ಸಂಯೋಜನೆಯಿಂದ ಕೂಡಿದೆ. ಇದನ್ನು ಉಳಿತಾಯ-ಒಟ್ಟುಗೂಡಿಸಿದ-ತೆರಿಗೆ ಉಳಿತಾಯ ಹೂಡಿಕೆ ಸಾಧನವೆಂದು ಕರೆಯಲಾಗುತ್ತದೆ, ಏಕೆಂದರೆ ಇದು ನಿಮ್ಮ ವಾರ್ಷಿಕ ತೆರಿಗೆಗಳನ್ನು ಕಡಿಮೆ ಮಾಡುವುದರೊಂದಿಗೆ ನಿವೃತ್ತಿ ಫಂಡನ್ನು ರಚಿಸಲು ನಿಮಗೆ ಅನುವು ಮಾಡಿಕೊಡುತ್ತದೆ. ಪಿಪಿಎಫ್ ಅಕೌಂಟ್ ತೆರಿಗೆಗಳನ್ನು ಉಳಿಸಲು ಮತ್ತು ಖಚಿತವಾದ ಲಾಭವನ್ನು ಗಳಿಸಲು ಬಯಸುವ ಯಾರಿಗಾದರೂ ಸುರಕ್ಷಿತ ಹೂಡಿಕೆ ಆಯ್ಕೆಯಾಗಿದೆ.

ಸ್ಟಾಕ್‌ಗಳು ಮತ್ತು ಇಕ್ವಿಟಿಗಳು ಗಮನಾರ್ಹ ಲಾಭಗಳನ್ನು ಸೃಷ್ಟಿಸಲು ನಿಮಗೆ ಸಹಾಯ ಮಾಡುತ್ತವೆ, ಆದರೆ ಅವುಗಳು ಕೆಲವು ಪ್ರಮಾಣದ ಅಪಾಯದೊಂದಿಗೆ ಬರುತ್ತವೆ. ಖಚಿತವಾದ ಗಳಿಕೆಗಳನ್ನು ಬಯಸುವವರಿಗೆ ಫಿಕ್ಸೆಡ್ ಡೆಪಾಸಿಟ್‌ಗಳು ಅತ್ಯಂತ ಜನಪ್ರಿಯ ಹೂಡಿಕೆ ಆಯ್ಕೆಗಳಲ್ಲಿ ಒಂದಾಗಿವೆ.

ಈ ಕಾರ್ಯಕ್ರಮದ ಅಡಿಯಲ್ಲಿ, ಒಬ್ಬ ವ್ಯಕ್ತಿಯು ಪಿಪಿಎಫ್ ಅಕೌಂಟನ್ನು ನೋಂದಾಯಿಸಬೇಕು, ಮತ್ತು ವರ್ಷದಲ್ಲಿ ಡೆಪಾಸಿಟ್ ಮಾಡಲಾದ ಹಣವನ್ನು ಸೆಕ್ಷನ್ 80 ಸಿ ಕಡಿತಗಳ ಅಡಿಯಲ್ಲಿ ಕ್ಲೈಮ್ ಮಾಡಬೇಕಾಗುತ್ತದೆ.

ನಿಮ್ಮ ಪಿಎಫ್ ಬ್ಯಾಲೆನ್ಸ್ ಪರಿಶೀಲಿಸುವುದು ಹೇಗೆ?

ತಮ್ಮ ಪಿಎಫ್ ವಿವರಗಳನ್ನು ಪರಿಶೀಲಿಸಲು ಬಯಸುವವರು ಸಕ್ರಿಯ ಯೂನಿವರ್ಸಲ್ ಅಕೌಂಟ್ ನಂಬರ್ (ಯುಎಎನ್) ಹೊಂದಿರಬೇಕು, ಇದು ಅವರ ಪಿಎಫ್ ಅಕೌಂಟ್ ಬ್ಯಾಲೆನ್ಸ್ ರಿವ್ಯೂ ಮಾಡಲು ಸಹಾಯ ಮಾಡುತ್ತದೆ. ನಿಮ್ಮ ಪ್ರಾವಿಡೆಂಟ್ ಫಂಡ್‌ನ ಆನ್‍ಲೈನ್ ಬ್ಯಾಲೆನ್ಸ್ ತಿಳಿದುಕೊಳ್ಳುವ ಹಂತಗಳು ಇಲ್ಲಿವೆ:

  • ಇಪಿಎಫ್ಒ ವೆಬ್‌ಸೈಟ್‌ಗೆ ಭೇಟಿ ನೀಡಿ
  • ನಿಮ್ಮ UAN ಮತ್ತು ಪಾಸ್ವರ್ಡ್ ನಮೂದಿಸಿ
  • ನಿಮ್ಮ EPF ಅಕೌಂಟ್ ಸ್ಟೇಟ್ಮೆಂಟನ್ನು ನೋಡಿ ಮತ್ತು ಡೌನ್ಲೋಡ್ ಮಾಡಿ

ನಿಮ್ಮ ನೋಂದಾಯಿತ ಫೋನ್ ನಂಬರ್‌ನಿಂದ 011-22901406 ಗೆ ಮಿಸ್ ಕಾಲ್ ನೀಡುವ ಮೂಲಕವೂ ನಿಮ್ಮ ಬ್ಯಾಲೆನ್ಸ್ ಪರಿಶೀಲಿಸಬಹುದು.

ಎಸ್ಎಂಎಸ್ ಕಳುಹಿಸುವ ಮೂಲಕ ಪಿಎಫ್ ಬ್ಯಾಲೆನ್ಸ್ ಪರಿಶೀಲನೆ

ಯುಎಎನ್ ಸಕ್ರಿಯಗೊಳಿಸಿದ ಸದಸ್ಯರು ತಮ್ಮ ಇತ್ತೀಚಿನ ಪಿಎಫ್ ಕೊಡುಗೆ ಮತ್ತು ಇಪಿಎಫ್‌‌ಒದೊಂದಿಗೆ ಲಭ್ಯವಿರುವ ಬ್ಯಾಲೆನ್ಸ್ ಅನ್ನು ನೋಂದಾಯಿತ ಮೊಬೈಲ್ ನಂಬರಿನಿಂದ 7738299899 ನಂಬರಿಗೆ ಎಸ್ಎಂಎಸ್ ಕಳುಹಿಸುವ ಮೂಲಕ ಪರಿಶೀಲಿಸಬಹುದು. “EPFOHO UAN" ಎಂದು 7738299899 ಗೆ ಕಳುಹಿಸಬೇಕು.

ಮಿಸ್ಡ್ ಕಾಲ್ ಮೂಲಕ ಪಿಎಫ್ ಬ್ಯಾಲೆನ್ಸ್ ಪರಿಶೀಲಿಸಿ

ಇಪಿಎಫ್ಒ ಸದಸ್ಯರು ತನ್ನ ಯುಎಎನ್ ನೋಂದಾಯಿತ ಮೊಬೈಲ್ ನಂಬರಿನಿಂದ 011-22901406 ಗೆ ಮಿಸ್ ಕಾಲ್ ನೀಡುವ ಮೂಲಕ ಇಪಿಎಫ್ಒ ಮಿಸ್ಡ್ ಕಾಲ್ ಸೇವೆಯನ್ನು ಬಳಸಿಕೊಂಡು ತಮ್ಮ PF ಬ್ಯಾಲೆನ್ಸ್ ಪರಿಶೀಲಿಸಬಹುದು.

ಉಮಂಗ್/ಇಪಿಎಫ್‌‌ಒ ಆ್ಯಪ್‌ ಬಳಸಿ ಪಿಎಫ್‌‌ ಬ್ಯಾಲೆನ್ಸ್ ಪರಿಶೀಲಿಸಿ

ಉಮಂಗ್/ಇಪಿಎಫ್‌‌ಒ ಆ್ಯಪ್‌ ಬಳಸಿಕೊಂಡು ಪಿಎಫ್ ಬ್ಯಾಲೆನ್ಸ್ ಅನ್ನು ಹೇಗೆ ಪರಿಶೀಲಿಸಬಹುದು ಎಂಬುದು ಇಲ್ಲಿದೆ:

  • ಉಮಂಗ್/ಇಪಿಎಫ್‌ಓ ಆ್ಯಪ್ ಡೌನ್ಲೋಡ್ ಮಾಡಿದ ನಂತರ 'ಮೆಂಬರ್' ಮೇಲೆ ಕ್ಲಿಕ್ ಮಾಡಿ, 'ಬ್ಯಾಲೆನ್ಸ್/ಪಾಸ್‌ಬುಕ್'ಗೆ ಹೋಗಿ'.
  • ನಿಮ್ಮ ಯುಎಎನ್‌ ಮತ್ತು ನೋಂದಾಯಿತ ಮೊಬೈಲ್ ನಂಬರ್ ನಮೂದಿಸಿ. ಸಿಸ್ಟಮ್ ನಿಮ್ಮ ಯುಎಎನ್ ಮೇಲೆ ನಿಮ್ಮ ಮೊಬೈಲ್ ನಂಬರನ್ನು ಪರಿಶೀಲಿಸುತ್ತದೆ. ಎಲ್ಲಾ ವಿವರಗಳು ವೆರಿಫೈ ಆದರೆ, ನಿಮ್ಮ ಅಪ್ಡೇಟ್ ಆದ ಇಪಿಎಫ್‌‌ ಬ್ಯಾಲೆನ್ಸ್ ವಿವರಗಳನ್ನು ನೀವು ನೋಡಬಹುದು.

ಪಿಎಫ್ ವಿತ್‌ಡ್ರಾ, ಕ್ಲೈಮ್, ಟ್ರಾನ್ಸಫರ್ ಮಾಡುವುದು ಹೇಗೆ?

ನಿಮ್ಮ ಪಿಎಫ್ ಅಕೌಂಟಿನಿಂದ ಹಣವನ್ನು ವಿತ್‌ಡ್ರಾ ಮಾಡುವ ವಿಷಯಕ್ಕೆ ಬಂದಾಗ, ನೀವು ಫಿಸಿಕಲ್ ಅಪ್ಲಿಕೇಶನ್ ಅಥವಾ ಆನ್ಲೈನ್ ಅಪ್ಲಿಕೇಶನ್ ಸಲ್ಲಿಸಲು ಆಯ್ಕೆ ಮಾಡಬಹುದು. ಇದನ್ನು ಮಾಡಲು ಉತ್ತಮ ಮಾರ್ಗವೆಂದರೆ ಇಪಿಎಫ್‌‌ಒ ವೆಬ್‌ಸೈಟ್‌ಗೆ ಭೇಟಿ ನೀಡುವುದು ಮತ್ತು ವರ್ಗಾವಣೆ ಅಥವಾ ವಿತ್‌ಡ್ರಾವಲ್ ಪ್ರಕ್ರಿಯೆಯನ್ನು ಆರಂಭಿಸಲು ಈ ಯಾವುದೇ ವಿಧಾನಗಳನ್ನು ಬಳಸುವುದು:

  • UAN
  • ಡಿಜಿಟಲ್ ಸಿಗ್ನೇಚರ್
  • ಆಧಾರ್ ಕಾರ್ಡ್ ಮತ್ತು ವೈಯಕ್ತಿಕ ವಿವರಗಳು

ಇಪಿಎಫ್‌‌ಒ ವೆಬ್‌ಸೈಟ್‌ನಲ್ಲಿ ಪ್ರಾವಿಡೆಂಟ್ ಫಂಡ್ ಮಾಹಿತಿಯ ಬಗ್ಗೆ ಕೂಡ ನೀವು ಓದಬಹುದು. ಪಿಎಫ್‌‌ ಆನ್ಲೈನ್ ವರ್ಗಾವಣೆಗಾಗಿ, ಫಾರ್ಮ್ 13 ಭರ್ತಿ ಮಾಡಬೇಕು. ಮತ್ತೊಂದೆಡೆ, ವಿತ್‌ಡ್ರಾವಲ್ ಅಥವಾ ಕ್ಲೈಮ್‌ಗಳಿಗೆ ಸಂಬಂಧಿಸಿದ ಡಾಕ್ಯುಮೆಂಟ್‌ಗಳು ಫಾರ್ಮ್ 31 (ಪಿಎಫ್ ಫಂಡ್‌ಗಳ ಭಾಗಶಃ ವಿತ್‌ಡ್ರಾವಲ್), ಫಾರ್ಮ್ 10C (ಪಿಂಚಣಿ ವಿತ್‌ಡ್ರಾವಲ್) ಮತ್ತು ಫಾರ್ಮ್ 19 (ಅಂತಿಮ ಪಿಎಫ್‌‌ ಸೆಟಲ್ಮೆಂಟ್) ಅನ್ನು ಒಳಗೊಂಡಿವೆ.

ಪಿಎಫ್ ಕೊಡುಗೆ

ಉದ್ಯೋಗದಾತರ ಕೊಡುಗೆಯನ್ನು ಈ ಕೆಳಗೆ ನಮೂದಿಸಿದ ಕೆಟಗರಿಗಳಲ್ಲಿ ವಿಂಗಡಿಸಲಾಗಿದೆ:

ವರ್ಗ

ಕೊಡುಗೆಯ ಶೇಕಡಾವಾರು (%)

ಉದ್ಯೋಗಿಗಳ ಭವಿಷ್ಯ ನಿಧಿ

3.67

ಉದ್ಯೋಗಿಗಳ ಪಿಂಚಣಿ ಯೋಜನೆ (ಇಪಿಎಸ್)

8.33

ಉದ್ಯೋಗಿಗಳ ಡೆಪಾಸಿಟ್ ಲಿಂಕ್ ಇನ್ಶೂರೆನ್ಸ್ ಯೋಜನೆ (ಇಡಿಎಲ್ಐಎಸ್)

0.50

ಇಪಿಎಫ್ ಅಡ್ಮಿನ್ ಶುಲ್ಕಗಳು

1.10

ಇಡಿಎಲ್ಐಎಸ್ ಅಡ್ಮಿನ್ ಶುಲ್ಕಗಳು

0.01

ಫಿಕ್ಸೆಡ್ ಡೆಪಾಸಿಟ್‌ನಲ್ಲಿ ಹೂಡಿಕೆ ಮಾಡಿ

ನೀವು ನಿಮ್ಮ ಪ್ರಾವಿಡೆಂಟ್ ಫಂಡ್ ಅಕೌಂಟಿನಿಂದ ಹಣವನ್ನು ವಿತ್‌ಡ್ರಾ ಮಾಡಿದಾಗ, ನಿಮ್ಮ ನಿವೃತ್ತಿ ಫಂಡ್ ಆಗಿ ಬಳಸಲು ನೀವು ಹೆಚ್ಚುವರಿ ಮೊತ್ತವನ್ನು ಪಡೆಯುತ್ತೀರಿ. ನಿಮ್ಮ ಪ್ರಾವಿಡೆಂಟ್ ಫಂಡ್ ಮೊತ್ತವನ್ನು ಮಾರುಕಟ್ಟೆಯ ಏರಿಳಿತಗಳಿಂದ ರಕ್ಷಿಸಲು ಮತ್ತು ಹೆಚ್ಚಿನ ಆದಾಯವನ್ನು ಗಳಿಸಲು ನೀವು ಫಿಕ್ಸೆಡ್ ಡೆಪಾಸಿಟ್‌ಗಳಲ್ಲಿ ಹೂಡಿಕೆ ಮಾಡುವುದನ್ನು ಪರಿಗಣಿಸಬಹುದು.

ಬಜಾಜ್ ಫೈನಾನ್ಸ್ ಫಿಕ್ಸೆಡ್ ಡೆಪಾಸಿಟ್‌ಗಳು ಹೆಚ್ಚಿನ ಬಡ್ಡಿ ದರಗಳಲ್ಲಿ ಒಂದನ್ನು ನೀಡುತ್ತವೆ, ಇದು ವಾರ್ಷಿಕ 7.50% ವರೆಗೆ, ಹಿರಿಯ ನಾಗರಿಕರಿಗೆ 7.75% ವರೆಗೆ ಹೋಗುತ್ತದೆ. ನಿಮ್ಮ ಬಡ್ಡಿ ಪಾವತಿಗಳ ಅವಧಿ ಮತ್ತು ಫ್ರೀಕ್ವೆನ್ಸಿಯನ್ನು ನೀವು ಆಯ್ಕೆ ಮಾಡಬಹುದು.

ಬಜಾಜ್ ಫೈನಾನ್ಸ್ ಫಿಕ್ಸೆಡ್ ಡೆಪಾಸಿಟ್‌ಗಳು ಕ್ರಿಸಿಲ್ ಮತ್ತು ಐಸಿಆರ್‌‌ಎಯಿಂದ ಅತ್ಯಧಿಕ ಸುರಕ್ಷತಾ ರೇಟಿಂಗ್‌ಗಳನ್ನು ಹೊಂದಿರುವ ಕಾರಣ ನಿಮ್ಮ ಹೂಡಿಕೆಗಳು ಯಾವಾಗಲೂ ಸುರಕ್ಷಿತವಾಗಿರುತ್ತವೆ. ಎಫ್‌ಡಿ ಅಕೌಂಟ್ ತೆರೆಯಲು ಆನ್ಲೈನ್ ಪ್ರಕ್ರಿಯೆಯನ್ನು ಪರಿಶೀಲಿಸಿ ಮತ್ತು ಹೂಡಿಕೆ ಆರಂಭಿಸಿ.

ಫಿಕ್ಸೆಡ್ ಡೆಪಾಸಿಟ್ ಮೊತ್ತದ ಮೆಚ್ಯೂರಿಟಿ ಮೊತ್ತವನ್ನು ಲೆಕ್ಕ ಹಾಕಲು ಎಫ್‌ಡಿ ಕ್ಯಾಲ್ಕುಲೇಟರ್ ಬಳಸಿ.

ಇನ್ನಷ್ಟು ಓದಿರಿ ಕಡಿಮೆ ಓದಿ

ಆಗಾಗ ಕೇಳುವ ಪ್ರಶ್ನೆಗಳು

ನನ್ನ PF ಬ್ಯಾಲೆನ್ಸ್ ಅನ್ನು ತಿಳಿದುಕೊಳ್ಳುವುದು ಹೇಗೆ?

ನೀವು ನಿಮ್ಮ ಪಿಎಫ್‌ ಬ್ಯಾಲೆನ್ಸ್ ಅನ್ನು ಈ ಕೆಳಗಿನ ವಿಧಾನಗಳ ಮೂಲಕ ಪರಿಶೀಲಿಸಬಹುದು:

  • ಇಪಿಎಫ್‌ಓ ಪೋರ್ಟಲ್: ಇಪಿಎಫ್‌ಓ ಪೋರ್ಟಲ್‌ನಲ್ಲಿರುವ ನಿಮ್ಮ ಇಪಿಎಫ್‌ ಇ-ಪಾಸ್‌ಬುಕ್‌ನಿಂದ ನೀವು ನಿಮ್ಮ ಪಿಎಫ್‌ ಬ್ಯಾಲೆನ್ಸ್ ಪರಿಶೀಲಿಸಬಹುದು. ನಿಮ್ಮ ಯುಎಎನ್ ಮೂಲಕ ನೀವು ಪೋರ್ಟಲ್‌ಗೆ ಲಾಗಿನ್ ಆಗಬಹುದು.
  • ಉಮಂಗ್ ಆ್ಯಪ್: ಉಮಂಗ್ (ಹೊಸ ಆಡಳಿತಕ್ಕಾಗಿ ಯುನಿಫೈಡ್ ಮೊಬೈಲ್ ಆ್ಯಪ್‌) ಆ್ಯಪ್‌ ಬಳಸಿಕೊಂಡು ಕೂಡ ನೀವು ನಿಮ್ಮ PF ಬ್ಯಾಲೆನ್ಸ್ ಪರಿಶೀಲಿಸಬಹುದು. 9718397183 ಗೆ ಮಿಸ್ ಕಾಲ್ ನೀಡುವ ಮೂಲಕ ಆ್ಯಪ್ ಡೌನ್ಲೋಡ್ ಮಾಡಲು ಲಿಂಕ್ ಪಡೆಯಬಹುದು. ನೀವು ಅದನ್ನು ಉಮಂಗ್ ವೆಬ್‌ಸೈಟ್ ಅಥವಾ ಆ್ಯಪ್‌ ಸ್ಟೋರ್‌ಗಳಿಂದ ಕೂಡ ಡೌನ್ಲೋಡ್ ಮಾಡಬಹುದು.
  • ಮಿಸ್ಡ್ ಕಾಲ್ ಸೇವೆ: ಯುಎಎನ್ ಪೋರ್ಟಲ್‌ನಲ್ಲಿ ನೋಂದಾಯಿಸಲಾದ ಸದಸ್ಯರು ತಮ್ಮ ನೋಂದಾಯಿತ ಮೊಬೈಲ್ ನಂಬರ್‌ನಿಂದ 011-22901406 ಗೆ ಮಿಸ್ ಕಾಲ್ ನೀಡಬಹುದು. ಒಂದು ವೇಳೆ ನಿಮ್ಮ ಯುಎಎನ್ ಸಂಖ್ಯೆಯು ನಿಮ್ಮ ಬ್ಯಾಂಕ್ ಅಕೌಂಟ್ ನಂಬರ್, ಪ್ಯಾನ್ ನಂಬರ್ ಅಥವಾ ಆಧಾರ್ ನಂಬರ್‌ನೊಂದಿಗೆ ಲಿಂಕ್ ಆಗಿದ್ದರೆ, ನಿಮ್ಮ ಕೊನೆಯ ಇಪಿಎಫ್‌ ಕೊಡುಗೆ ಮತ್ತು ಪಿಎಫ್ ಬ್ಯಾಲೆನ್ಸ್ ವಿವರಗಳನ್ನು ನೀವು ಎಸ್‌ಎಂಎಸ್‌ ಮೂಲಕ ಸ್ವೀಕರಿಸುತ್ತೀರಿ.
  • ಇಪಿಎಫ್‌ಓ ಎಸ್‌ಎಂಎಸ್‌ ಸೇವೆ: ಸಕ್ರಿಯ ಯುಎಎನ್‌ ಹೊಂದಿರುವ ಸದಸ್ಯರು EPFOHO UAN ENG (ENG ಜಾಗದಲ್ಲಿ ನಿಮ್ಮ ಆದ್ಯತೆಯ ಭಾಷೆಯ ಕೋಡ್ ಹಾಕಬಹುದು) ಎಂದು ಅವರ ನೋಂದಾಯಿತ ಮೊಬೈಲ್ ನಂಬರ್‌ನಿಂದ 7738299899 ಗೆ ಎಸ್‌ಎಂಎಸ್‌ ಕಳುಹಿಸಬಹುದು. ಈ ಸೌಲಭ್ಯವು 10 ಪ್ರಾದೇಶಿಕ ಭಾಷೆಗಳಲ್ಲಿ ಲಭ್ಯವಿದೆ.
ನಾನು ನನ್ನ PF UAN ನಂಬರ್ ಹೇಗೆ ಪಡೆಯಬಹುದು?

ನಿಮ್ಮ ಉದ್ಯೋಗದಾತರಿಂದ ನೀವು ನಿಮ್ಮ UAN ಅನ್ನು ಪಡೆಯಬಹುದು. ಬಹುತೇಕ ಕಂಪನಿಗಳು ಪೇ ಸ್ಲಿಪ್‌ಗಳಲ್ಲಿ ಯುಎಎನ್‌ ನಂಬರ್‌ ಪ್ರಿಂಟ್ ಮಾಡುತ್ತವೆ. ಆದಾಗ್ಯೂ, ನಿಮ್ಮ ಉದ್ಯೋಗದಾತರು ನಿಮ್ಮ UAN ನಂಬರನ್ನು ನಿಮ್ಮೊಂದಿಗೆ ಹಂಚಿಕೊಳ್ಳದಿದ್ದರೆ, ಈ ಹಂತಗಳನ್ನು ಅನುಸರಿಸುವ ಮೂಲಕ ನೀವು ಅದನ್ನು ಕಂಡುಕೊಳ್ಳಬಹುದು:

  • 'ಇಪಿಎಫ್‌ಓ'ನ ಏಕೀಕೃತ ಸದಸ್ಯ ಪೋರ್ಟಲ್‌ಗೆ ಹೋಗಿ ಮತ್ತು 'ನಿಮ್ಮ ಯುಎಎನ್‌ ತಿಳಿಯಿರಿ' ಸ್ಟೇಟಸ್ ಆಯ್ಕೆಯನ್ನು ಆರಿಸಿ.
  • ನಿಮ್ಮ ಯುಎಎನ್‌ ಅನ್ನು ಪಡೆಯಲು ನಿಮಗೆ ಮೂರು ಆಯ್ಕೆಗಳನ್ನು ನೀಡಲಾಗುತ್ತದೆ. ನಿಮ್ಮ PF ಸದಸ್ಯ ID, ಆಧಾರ್ ನಂಬರ್ ಅಥವಾ PAN ನಂಬರ್ ಮೂಲಕ ನೀವು UAN ಅನ್ನು ಕಂಡುಕೊಳ್ಳಬಹುದು. ಈ ಮೂರು ಆಯ್ಕೆಗಳಲ್ಲಿ ಯಾವುದಾದರೂ ಒಂದನ್ನು ಆರಿಸಿ.
  • ನಂತರ ನಿಮ್ಮನ್ನು ಇನ್ನೊಂದು ಪುಟಕ್ಕೆ ಹೋಗುವಂತೆ ಸೂಚಿಸಲಾಗುತ್ತದೆ. ಅಲ್ಲಿ ನಿಮ್ಮ ಹೆಸರು, ಮೊಬೈಲ್ ನಂಬರ್, ಹುಟ್ಟಿದ ದಿನಾಂಕ, ಇಮೇಲ್ ಐಡಿ ಮುಂತಾದ ವೈಯಕ್ತಿಕ ವಿವರಗಳನ್ನು ನಮೂದಿಸಬೇಕು.
  • ನೀವು ಈ ವಿವರಗಳನ್ನು ಸಲ್ಲಿಸಿದ ನಂತರ, ನಿಮ್ಮ ನೋಂದಾಯಿತ ಮೊಬೈಲ್ ನಂಬರ್‌ಗೆ ಒಂದು ಆಥರೈಸೇಶನ್ ಸಂಖ್ಯೆ ಕಳುಹಿಸಲಾಗುತ್ತದೆ.
  • ಈ PIN ನಮೂದಿಸಿದ ನಂತರ, ನಿಮ್ಮ ನೋಂದಾಯಿತ ಮೊಬೈಲ್ ನಂಬರ್ ಮತ್ತು ಇಮೇಲ್ ಐಡಿಗೆ ನಿಮ್ಮ UAN ಕಳುಹಿಸಲಾಗುತ್ತದೆ.
ಪ್ರಾವಿಡೆಂಟ್ ಫಂಡ್‌ಗೆ ಯಾರು ಅರ್ಹರಾಗಿರುತ್ತಾರೆ?

ತಿಂಗಳಿಗೆ ರೂ. 15,000 ಕ್ಕಿಂತ ಕಡಿಮೆ ಸಂಬಳ ಗಳಿಸುವ ಎಲ್ಲಾ ಉದ್ಯೋಗಿಗಳು ಪ್ರಾವಿಡೆಂಟ್ ಫಂಡ್ ಪಡೆಯಲು ಅರ್ಹರಾಗಿರುತ್ತಾರೆ. ಇದಕ್ಕಿಂತ ಹೆಚ್ಚು ಸಂಬಳ ಪಡೆಯುವ ಉದ್ಯೋಗಿಗಳು ಅರ್ಹರಾಗಿರುವುದಿಲ್ಲ. ಆದರೆ ಇದು ಉದ್ಯೋಗದಾತರ ವಿವೇಚನೆಗೆ ಒಳಪಟ್ಟಿರುತ್ತದೆ. 20 ಕ್ಕಿಂತ ಹೆಚ್ಚಿನ ಉದ್ಯೋಗಿಗಳನ್ನು ಹೊಂದಿರುವ ಎಲ್ಲಾ ಬಿಸಿನೆಸ್ ಘಟಕಗಳು EPFO ಸದಸ್ಯರಾಗಿರಬೇಕು.

ಪ್ರಾವಿಡೆಂಟ್ ಫಂಡ್‌ನ ಪ್ರಯೋಜನ ಏನು?

ಪ್ರಾವಿಡೆಂಟ್ ಫಂಡ್ ಭಾರತದ ಎಲ್ಲಾ ಉದ್ಯೋಗಿಗಳಿಗೆ ಒಂದು ಹೆಚ್ಚುವರಿ ವಾರ್ಷಿಕ ಫಂಡ್ ಆಗಿದೆ. 20 ಕ್ಕಿಂತ ಹೆಚ್ಚು ಉದ್ಯೋಗಿಗಳಿರುವ ಎಲ್ಲಾ ಸಂಘಟಿತ ಅಥವಾ ಅಸಂಘಟಿತ ವಲಯದ ಕಂಪನಿಗಳು ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆ (ಇಪಿಎಫ್‌ಓ) ಎಂಬ ಆಡಳಿತಾತ್ಮಕ ಘಟಕದ ಅಡಿಯಲ್ಲಿ ನೋಂದಾಯಿಸಿಕೊಳ್ಳಬೇಕು. ಉದ್ಯೋಗಿಯು ಕಂಪನಿಯೊಂದಿಗೆ ಕೆಲಸ ಮಾಡುವವರೆಗೆ, ಆ ಉದ್ಯೋಗಿ ಮತ್ತು ಉದ್ಯೋಗದಾತ ಇಬ್ಬರೂ ಈ ಫಂಡ್‌ಗೆ ಕೊಡುಗೆ ನೀಡಬೇಕು. ಪ್ರಾವಿಡೆಂಟ್ ಫಂಡ್‌ ಹೇಗೆ ಪ್ರಯೋಜನಕಾರಿ ಎಂಬುದರ ಬಗ್ಗೆ ಇಲ್ಲಿ ತಿಳಿಯಿರಿ:

  • ಮೂಲಧನ ಸೃಷ್ಟಿಸಿ – ಇಪಿಎಫ್‌ ಕೊಡುಗೆಯ ನಿಯಮಿತ ಕಡಿತವು ನಿಮ್ಮ ಪಿಎಫ್‌ ಮೊತ್ತಕ್ಕೆ ಹೋಗುತ್ತದೆ. ಇದು ಮುಂದೊಂದು ದಿನ ಮೂಲಧನ/ಆಪದ್ಧನದ ರೂಪದಲ್ಲಿ ನಿಮ್ಮ ಸಹಾಯಕ್ಕೆ ಬರುತ್ತದೆ.
  • ಹೆಚ್ಚಿನ ಆದಾಯ – ಇಪಿಎಫ್‌ಓ ಮೂಲಕ ಭಾರತ ಸರ್ಕಾರವು, ಈ ಇಪಿಎಫ್‌ ಮೂಲಧನದ ಮೇಲೆ ಆರ್ಥಿಕತೆಯಲ್ಲಿ ಚಾಲ್ತಿಯಲ್ಲಿರುವ ಬಡ್ಡಿದರಗಳ ಆಧಾರದ ಮೇಲೆ ಬಡ್ಡಿ ಪಾವತಿಸುತ್ತದೆ. ಸಣ್ಣ ಉಳಿತಾಯ ಕಾಯಿದೆಯ ಅಡಿಯಲ್ಲಿ ಪ್ರತಿ ಮೂರು ತಿಂಗಳಿಗೊಮ್ಮೆ ಬಡ್ಡಿದರವು ಪರಿಷ್ಕರಣೆಗೆ ಒಳಪಡುತ್ತದೆ. ಪರಿಣಿತರ ಪ್ರಕಾರ, ನಿಮ್ಮ ಇಪಿಎಫ್‌ ಅಕೌಂಟ್ 3 ವರ್ಷಗಳಿಗಿಂತ ಹೆಚ್ಚು ಕಾಲ ನಿಷ್ಕ್ರಿಯವಾಗಿದ್ದರೂ ಸಹ, ಬಡ್ಡಿ ಗಳಿಸುವುದನ್ನು ಮುಂದುವರೆಸುತ್ತದೆ.
  • ತೆರಿಗೆ ಪ್ರಯೋಜನಗಳು – ಇಪಿಎಫ್‌ ಅಕೌಂಟ್‌ಗೆ ಉದ್ಯೋಗಿಯು ನೀಡುವ ಕೊಡುಗೆಯು ಸೆಕ್ಷನ್ 80ಸಿ ಅಡಿಯಲ್ಲಿ ತೆರಿಗೆ ವಿನಾಯಿತಿಗೆ ಅರ್ಹವಾಗಿರುತ್ತದೆ, ಇದು ನಿಮ್ಮ ಬಡ್ಡಿ ಗಳಿಕೆಗೆ ತೆರಿಗೆ ವಿನಾಯಿತಿ ನೀಡುತ್ತದೆ.
  • ಇನ್ಶೂರೆನ್ಸ್ ಪ್ರಯೋಜನಗಳು – ಇಪಿಎಫ್‌ ಮೂಲಕ, ನೀವು ಇಪಿಎಫ್‌ಓ ವತಿಯಿಂದ ನೀಡಲಾಗುವ ಎಂಪ್ಲಾಯೀಸ್ ಡೆಪಾಸಿಟ್ ಲಿಂಕ್ಡ್ ಇನ್ಶೂರೆನ್ಸ್ (ಇಡಿಎಲ್‌ಐ) ಎಂಬ ಇನ್ಶೂರೆನ್ಸ್ ಕವರ್‌ನ ಪ್ರಯೋಜನ ಪಡೆಯಬಹುದು. ಈ ಯೋಜನೆಯಡಿಯಲ್ಲಿ, ಇನ್ಶೂರ್ಡ್ ವ್ಯಕ್ತಿಯು ಸೇವೆಯ ಅವಧಿಯಲ್ಲಿ ಸಾವನ್ನಪ್ಪಿದರೆ, ನೋಂದಾಯಿತ ನಾಮಿನಿಯು ಒಟ್ಟು ಮೊತ್ತವನ್ನು ಪಡೆಯಬಹುದು.
  • ಅಕಾಲಿಕ ವಿತ್‌ಡ್ರಾವಲ್ – ತುರ್ತು ಅವಶ್ಯಕತೆಗಳನ್ನು ಪೂರೈಸಲು, 5-10 ವರ್ಷಗಳ ಸೇವೆಯ ನಂತರ ಭಾಗಶಃ ವಿತ್‌ಡ್ರಾವಲ್‌ಗಳನ್ನು ಮಾಡಲು ಇಪಿಎಫ್‌ಓ ನಿಮಗೆ ಅನುವು ಮಾಡಿಕೊಡುತ್ತದೆ.

ಹೀಗಾಗಿ, ಇಪಿಎಫ್‌ ಒಂದು ಪರಿಣಾಮಕಾರಿ ಉಳಿತಾಯ ಆಯ್ಕೆಯನ್ನು ನೀಡುತ್ತದೆ. ಇದು ಹೆಚ್ಚೆಚ್ಚು ಹಣ ಉಳಿಸಿ, ನಿಮ್ಮ ನಿವೃತ್ತಿ ಉಳಿತಾಯವನ್ನು ಬೆಳೆಸಲು ನೆರವಾಗುತ್ತದೆ.

ನನ್ನ ಗರಿಷ್ಠ PF ಮೊತ್ತವನ್ನು ನಾನು ಹೇಗೆ ಹಿಂತೆಗೆದುಕೊಳ್ಳಬಹುದು?

ನಿಮ್ಮ ವೃತ್ತಿ ಜೀವನದ ಉದ್ದಕ್ಕೂ ಪ್ರಾವಿಡೆಂಟ್ ಫಂಡ್ ಮೊತ್ತವು ನಿರಂತರವಾಗಿ ಸಂಗ್ರಹವಾಗುತ್ತಾ, ನಿಮಗೆ ಆರಾಮದಾಯಕ ನಿವೃತ್ತಿ ಜೀವನದ ಖಾತ್ರಿ ನೀಡುತ್ತದೆ. ನೀವು ಗರಿಷ್ಠ ಪಿಎಫ್‌ ಮೊತ್ತವನ್ನು ಹೇಗೆ ಪಡೆಯಬಹುದು ಎಂಬುದನ್ನು ಇಲ್ಲಿ ತಿಳಿಯಿರಿ:

  • ನಿಮ್ಮ ವೃತ್ತಿ ಜೀವನದ ಉದ್ದಕ್ಕೂ ನೀವು ಪಿಎಫ್‌ ವಿತ್‌ಡ್ರಾ ಮಾಡದಿದ್ದರೆ, ಅದು ಯಾವುದೇ ಅಡೆತಡೆಯಿಲ್ಲದೇ ಸಂಗ್ರಹವಾಗುತ್ತಾ ಹೋಗುತ್ತದೆ. ಈ ರೀತಿಯಲ್ಲಿ, ನಿಮ್ಮ ನಿವೃತ್ತಿಯ ನಂತರ ಗರಿಷ್ಠ ಪಿಎಫ್‌ ಮೊತ್ತವನ್ನು ಖಚಿತಪಡಿಸಿಕೊಳ್ಳಬಹುದು.
  • ನೀವು ನಿಮ್ಮ ನಿವೃತ್ತಿಗೆ 1 ವರ್ಷ ಮೊದಲು, ನಿಮ್ಮ ಮೂಲಧನ (ಕಾರ್ಪಸ್) ವಿತ್‌ಡ್ರಾ ಮಾಡಲು ಬಯಸಿದರೆ, ಒಟ್ಟು ಕಾರ್ಪಸ್‌ನ ಗರಿಷ್ಠ 90% ಮೊತ್ತವನ್ನು ನೀವು ವಿತ್‌ಡ್ರಾ ಮಾಡಬಹುದು.
  • ಇತ್ತೀಚಿನ ಇಪಿಎಫ್‌ ವಿತ್‌ಡ್ರಾವಲ್ ನಿಯಮಗಳಲ್ಲಿ ಉದ್ಯೋಗ ನಷ್ಟವನ್ನು ಕೂಡ ಪರಿಗಣಿಸಲಾಗಿದೆ. ಈ ನಿಯಮಗಳ ಪ್ರಕಾರ, ಸಂಗ್ರಹವಾದ EPF ಸಂಗ್ರಹಣೆಯ 75% ರಷ್ಟನ್ನು ಉದ್ಯೋಗವನ್ನು ತೊರೆದ 1 ತಿಂಗಳ ನಂತರ ಹಿಂಪಡೆಯಬಹುದು. 2 ತಿಂಗಳ ನಿರುದ್ಯೋಗದ ನಂತರ ಉಳಿದ 25% ಅನ್ನು ಹಿಂಪಡೆಯಬಹುದು.
  • ಕನಿಷ್ಠ ಐದು ರಿಂದ ಏಳು ವರ್ಷಗಳ ಸೇವೆಯ ನಂತರ ಭಾಗಶಃ ವಿತ್‌ಡ್ರಾವಲ್ ಮಾಡಲು ಇತರ ಆಯ್ಕೆಗಳಿವೆ. ಅಂತಹ ರಜೆಗಳು ವೈದ್ಯಕೀಯ ತುರ್ತುಸ್ಥಿತಿ, ಮನೆ ನವೀಕರಣ, ಮದುವೆ ಮತ್ತು ಹೋಮ್ ಲೋನ್ ಮರುಪಾವತಿಗಾಗಿ ಇರಬಹುದು. ಅವುಗಳಲ್ಲಿ ಪ್ರತಿಯೊಂದೂ ಅನುಸರಿಸಬೇಕಾದ ನಿಯಮಗಳ ಸೆಟ್ ಅನ್ನು ಹೊಂದಿದೆ.

ಆದಾಗ್ಯೂ, ಐದು ವರ್ಷಗಳ ಸೇವೆ ಪೂರೈಸುವ ಮುಂಚೆಯೇ ವಿತ್‌ಡ್ರಾ ಮಾಡಿದರೆ, ನಿಮ್ಮ ಆದಾಯ ತೆರಿಗೆ ಮಿತಿಗೆ ಅನುಗುಣವಾಗಿ ತೆರಿಗೆ ಪಾವತಿಸಬೇಕಾಗುತ್ತದೆ.

ಇನ್ನಷ್ಟು ಓದಿರಿ ಕಡಿಮೆ ಓದಿ