థానేలో స్టాంప్ డ్యూటీ ఛార్జీలు

మహారాష్ట్రలో థానే పశ్చిమ భాగంలో ఉంది, ఇది ముంబై మెట్రోపాలిటన్ రీజియన్ పరిధిలోకి వస్తుంది. ఇటీవలి కాలంలో థానే ప్రముఖ నివాస నగరంగా మరియు పారిశ్రామిక ప్రాంతంగా ఆవిర్భవించింది, చాలా మంది భారతీయులు అద్భుతమైన ఉపాధి అవకాశాల కోసం ఈ నగరానికి వలస వస్తారు. అందువల్ల ఈ ప్రాంతంలో ప్రాపర్టీ ధరలు గణనీయంగా పెరిగాయి అనడంలో ఎలాంటి ఆశ్చర్యం లేదు. మార్కెట్లో కొత్తగా ఆస్తిని కొనుగోలు చేసే వారి కోసం థానేలో స్టాంప్ డ్యూటీ పూర్తి వివరాలు ఇక్కడ ఇవ్వబడ్డాయి.

థానేలో స్టాంప్ డ్యూటీ ఛార్జీలు ఎంత?

మహారాష్ట్ర రాష్ట్రం రెసిడెన్షియల్ ప్రాపర్టీలపై స్టాంప్ డ్యూటీగా ఆస్తి మొత్తం విలువలో 6% వసూలు చేస్తుంది. ఇందులో 5% స్టాంప్ డ్యూటీ మరియు 1% స్థానిక సంస్థల పన్ను ఉంటుంది. అయితే, మహారాష్ట్రలోని మహిళా కొనుగోలుదారులు వారు చెల్లించాల్సిన స్టాంప్ డ్యూటీపై కొంత మినహాయింపును పొందుతారు, స్టాంప్ డ్యూటీ ఛార్జీలుగా 5% మాత్రమే చెల్లిస్తారు. ఇందులో 4% స్టాంప్ డ్యూటీ మరియు 1% స్థానిక సంస్థల పన్ను ఉంటుంది. ఒక స్త్రీ, పురుషులు సంయుక్తంగా స్వంతం చేసుకున్న గృహాల విషయంలో యజమానులు స్టాంప్ డ్యూటీగా ఇంటి మొత్తం విలువలో 6% చెల్లించాలి. అయితే, మహిళలు సంయుక్తంగా ఉన్న యాజమాన్యంలోని గృహాలకు, యజమానులు స్టాంప్ డ్యూటీ ఛార్జీలుగా ఆస్తి విలువలో 5% మాత్రమే చెల్లించాలి.

థానేలో స్టాంప్ డ్యూటీ ఛార్జీలను నిర్ణయించే అంశాలు

థానేలో స్టాంప్ డ్యూటీ ఛార్జీలను విభిన్న అంశాలు ప్రభావితం చేస్తాయి, ఇవి మీ పరిశీలన కోసం కింద ఇవ్వబడ్డాయి.

ప్రాపర్టీ వయస్సు

కొత్త ఆస్తులు మరింత ఖరీదైనవిగా ఉంటాయి కనుక వాటిపై స్టాంప్ డ్యూటీ కూడా ఎక్కువగా ఉంటుంది.

యజమాని వయస్సు

థానే మరియు దేశవ్యాప్తంగా ఉన్న సీనియర్ సిటిజన్లు, యువ కొనుగోలుదారుల కన్నా తక్కువ స్టాంప్ డ్యూటీ ఛార్జీలను చెల్లించాలి.

యజమాని లింగం

మహిళా యజమానులు మగ వారితో పోలిస్తే తక్కువ స్టాంప్ డ్యూటీ ఛార్జీలను చెల్లించాల్సి ఉంటుంది

ఆస్తి రకం

రెసిడెన్షియల్ ప్రాపర్టీల కన్నా కమర్షియల్ ప్రాపర్టీలకు స్టాంప్ డ్యూటీ ఎక్కువ.

స్థిరాస్తి ఉన్న ప్రాంతం

నగరం కేంద్రంలో ఉన్న ఆస్తులు మరింత ఖరీదైనవి. స్టాంప్ డ్యూటీ అనేది నేరుగా ఆస్తి విలువపై ఆధారపడి ఉంటుంది కావున, నగరం కేంద్రంలో ఉన్న ఆస్తులు అధిక స్టాంప్ డ్యూటీని ఆకర్షిస్తాయి.

అందించే సౌకర్యాలు

తక్కువ సౌకర్యాలు గల భవనాల కంటే ఎక్కువ సదుపాయాలు గల భవనాలు ఎక్కువ స్టాంప్ డ్యూటీని వసూలు చేస్తాయి.

థానేలో ఆస్తి రిజిస్ట్రేషన్ ఛార్జీలు ఏవిధంగా లెక్కించబడతాయి?

థానేలో మహిళలు తక్కువ స్టాంప్ డ్యూటీ ఛార్జీలు చెల్లించాల్సి ఉన్నప్పటికీ, పురుషులు మరియు మహిళలు ఇద్దరూ సమాన రిజిస్ట్రేషన్ ఛార్జీలు చెల్లించాలి. యజమానులు రూ. 30 లక్షలు లేదా అంతకన్నా ఎక్కువ విలువతో కూడిన ఆస్తిని కలిగి ఉంటే, వారు తప్పనిసరిగా ఆస్తి మొత్తం విలువలో 1% రిజిస్ట్రేషన్ ఛార్జీలుగా చెల్లించాల్సి ఉంటుంది. రూ. 30 లక్షల కన్నా తక్కువ విలువ కలిగిన ఆస్తుల కోసం ఒకరు ఫ్లాట్ రూ. 30,000 రిజిస్ట్రేషన్ ఫీజును చెల్లించాలి.

థానేలో స్టాంప్ డ్యూటీ ఏవిధంగా లెక్కించబడుతుంది?

థానేలో స్టాంప్ డ్యూటీని లెక్కించడం సులభం. మహారాష్ట్ర ప్రభుత్వం ఆస్తి మొత్తం విలువలో 6% స్టాంప్ డ్యూటీగా వసూలు చేస్తుంది. అయితే, మహిళా యజమానులు ఆస్తి విలువలో 5% మాత్రమే చెల్లించాలి. ఒక ఉదాహరణతో దీనిని వివరంగా చూద్దాం. 

శ్రీ దేశ్‌పాండే రూ. 1 కోటి విలువైన ఆస్తిని కొనుగోలు చేస్తే, అతను తప్పనిసరిగా రూ. 6 లక్షలను మహారాష్ట్ర ప్రభుత్వానికి స్టాంప్ డ్యూటీగా చెల్లించాల్సి ఉంటుంది. అయితే, తన భార్య పేరు మీద ఆస్తిని కొనుగోలు చేస్తే కేవలం రూ. 5 లక్షల స్టాంపు డ్యూటీ మాత్రమే వర్తిస్తుంది. స్టాంప్ డ్యూటీని ఎలా లెక్కించాలో మీకు ఖచ్చితంగా తెలియకపోతే, థానేలో స్టాంప్ డ్యూటీ ఛార్జీలను లెక్కించడానికి మీరు ఎల్లప్పుడూ స్టాంప్ డ్యూటీ కాలిక్యులేటర్ను ఉపయోగించవచ్చు.

డిస్‌క్లెయిమర్: ఈ రేట్లు సూచనాత్మకమైనవి మరియు ఆ సమయంలో వర్తించే చట్టాలు మరియు ప్రభుత్వ మార్గదర్శకాల ఆధారంగా మార్పుకు లోబడి ఉంటాయి. వెబ్‌సైట్‌లో ఉన్న సమాచారం ఆధారంగా చర్య తీసుకునే ముందు కస్టమర్లకు స్వతంత్ర చట్టపరమైన సలహా తీసుకోవలసిందిగా సలహా ఇవ్వబడుతుంది మరియు అది ఎల్లప్పుడూ యూజర్ యొక్క పూర్తి బాధ్యత మరియు నిర్ణయం అయి ఉండాలి. ఎటువంటి సందర్భంలోనైనా, ఈ వెబ్‌సైట్ సృష్టించడంలో, రూపొందించడంలో లేదా డెలివర్ చేయడంలో పాలుపంచుకున్న బిహెచ్ఎఫ్ఎల్ లేదా వారి ఎవరైనా ఏజెంట్లు లేదా ఏదైనా ఇతర పార్టీ ఏదైనా ప్రత్యక్ష, పరోక్ష, శిక్షణాత్మక, దండనాత్మక, ప్రత్యేక, పర్యవసాన నష్టాలకు (కోల్పోయిన రెవెన్యూ లేదా లాభాలు, వ్యాపార నష్టం లేదా సమాచార నష్టం సహా) లేదా పైన పేర్కొనబడిన ఏదైనా సమాచారం పై యూజర్ ఆధారపడటం వలన కలిగిన నష్టాలకు బాధ్యత వహించదు.