FOIR ಎಂದರೇನು? ಇದು ಪರ್ಸನಲ್ ಲೋನ್ ಅನುಮೋದನೆಯ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ?

2 ನಿಮಿಷದ ಓದು

ಬ್ಯಾಂಕುಗಳು ಮತ್ತು ಹಣಕಾಸು ಸಂಸ್ಥೆಗಳು ಲೋನ್‌ಗಳಿಗೆ, ಅದರಲ್ಲೂ ಪರ್ಸನಲ್ ಲೋನ್ ನಂತಹ ಅನ್‌ಸೆಕ್ಯೂರ್ಡ್‌ ಲೋನ್‌ಗಳಿಗೆ ಅನುಮೋದನೆ ನೀಡುವುದಕ್ಕೆ ಮುಂಚೆ ಅರ್ಜಿದಾರರ ಸಾಲ ಪಡೆಯುವ ಅರ್ಹತೆಯನ್ನು ನಿರ್ಧರಿಸುತ್ತವೆ. ಎಫ್‌ಓಐಆರ್ ಎಂಬುದು ಬ್ಯಾಂಕುಗಳು ಮತ್ತು ಹಣಕಾಸು ಸಂಸ್ಥೆಗಳಿಗೆ ಈ ನಿಟ್ಟಿನಲ್ಲಿ ಸಹಾಯ ಮಾಡುವ ಅಳತೆಗೋಲು. ಆದಾಯ ಮತ್ತು ಸ್ಥಿರ ಹೊಣೆಗಾರಿಕೆ ನಡುವಿನ ಅನುಪಾತ ಎಂದೂ ಕರೆಯಲ್ಪಡುವ ಎಫ್‌ಓಐಆರ್, ನೀವು ಸೂಕ್ತ ಮರುಪಾವತಿ ಸಾಮರ್ಥ್ಯವನ್ನು ಹೊಂದಿದ್ದೀರಾ ಎಂಬುದನ್ನು ನಿರ್ಧರಿಸುವಲ್ಲಿ ಸಾಲದಾತರಿಗೆ ಸಹಾಯ ಮಾಡುತ್ತದೆ.

ಒಟ್ಟಾರೆಯಾಗಿ, ಎಫ್‌ಓಐಆರ್ ನಿಮ್ಮ ನಿವ್ವಳ ಮಾಸಿಕ ಖರ್ಚನ್ನು ನಿಮ್ಮ ನಿವ್ವಳ ಮಾಸಿಕ ಆದಾಯದ ಶೇಕಡಾವಾರಿನ ರೂಪದಲ್ಲಿ ಅಳೆಯುತ್ತದೆ. ಈ ಫಲಿತಾಂಶವು ನಿಮ್ಮ ಉಳಿಕೆ ಆದಾಯವು ಲೋನ್ ಮರುಪಾವತಿಗೆ ಸಾಕಾಗುತ್ತದೆಯೇ, ಇಲ್ಲವೇ ಎಂಬುದನ್ನು ಸೂಚಿಸುತ್ತದೆ. ಅನ್‌ಸೆಕ್ಯೂರ್ಡ್‌ ಲೋನ್‌ಗಳಲ್ಲಿ ಸಾಲದಾತರಿಗೆ ಹೆಚ್ಚಿನ ಅಪಾಯ ಎದುರಾಗುವುದರಿಂದ, ಸಾಲದಾತರು ನಿಮ್ಮ ಪರ್ಸನಲ್ ಲೋನ್ ಅರ್ಹತೆ ಯನ್ನು ಮೌಲ್ಯಮಾಪನ ಮಾಡುವಾಗ ಎಫ್‌ಓಐಆರ್‌ಗೆ ಬಹಳಷ್ಟು ಮಹತ್ವ ಇರುತ್ತದೆ.

ಸಾಮಾನ್ಯವಾಗಿ, ನಿಮ್ಮ ಎಫ್‌ಓಐಆರ್ 40% ಮತ್ತು 50% ನಡುವೆ ಇರಬೇಕು. ಇದರರ್ಥ, ನಿಮ್ಮ ಒಟ್ಟು ಮಾಸಿಕ ಖರ್ಚುಗಳು ನಿಮ್ಮ ಆದಾಯದ 50% ಗಿಂತ ಹೆಚ್ಚಾಗಬಾರದು. ಹೆಚ್ಚಿನ ನಿವ್ವಳ ಮೌಲ್ಯ ಹೊಂದಿರುವವರಿಗೆ, ಕೆಲವು ಸಾಲದಾತರು 65% ಅಥವಾ 70% ವರೆಗಿನ ಎಫ್‌ಓಐಆರ್‌ ಅನ್ನೂ ಪರಿಗಣಿಸುತ್ತಾರೆ.

FOIR ಅನ್ನು ಹೇಗೆ ಲೆಕ್ಕ ಹಾಕುತ್ತಾರೆ?

ಫಾಯಿರ್ ಲೆಕ್ಕಾಚಾರ ಮಾಡಲು ನೀವು ಈ ಕೆಳಗಿನ ಫಾರ್ಮುಲಾವನ್ನು ಬಳಸಬಹುದು.
ಸ್ಥಿರ ಜವಾಬ್ದಾರಿಗಳು ಮತ್ತು ಆದಾಯದ ಅನುಪಾತ = ಒಟ್ಟಾರೆ ಸ್ಥಿರ ಮಾಸಿಕ ಜವಾಬ್ದಾರಿಗಳು/ ನಿವ್ವಳ ಮಾಸಿಕ ವೇತನ x 100

ಇಲ್ಲಿ, ನಿಗದಿತ ಮಾಸಿಕ ಜವಾಬ್ದಾರಿಗಳು ಇವುಗಳನ್ನು ಒಳಗೊಂಡಿವೆ:

  • ಕ್ರೆಡಿಟ್ ಕಾರ್ಡ್ ಪಾವತಿಗಳು
  • ಅಸ್ತಿತ್ವದಲ್ಲಿರುವ ಇಎಂಐಗಳು
  • ಬಾಡಿಗೆ ಪಾವತಿಗಳು
  • ಮಾಸಿಕ ಜೀವನ ವೆಚ್ಚಗಳು
  • ನೀವು ಅಪ್ಲೈ ಮಾಡುತ್ತಿರುವ ಲೋನಿನ ಇಎಂಐ
  • ಬೇರೆ ಯಾವುದಾದರೂ ಲೋನ್‌ಗಳಿದ್ದರೆ

ಆದಾಗ್ಯೂ, ಫಿಕ್ಸೆಡ್ ಅಥವಾ ರಿಕರಿಂಗ್ ಡೆಪಾಸಿಟ್‌ಗಳು ಹಾಗೂ ಮಾಸಿಕ ತೆರಿಗೆ ಪಾವತಿಗಳನ್ನು ಸ್ಥಿರ ಮಾಸಿಕ ಜವಾಬ್ದಾರಿ ಎಂದು ಪರಿಗಣಿಸಲಾಗುವುದಿಲ್ಲ.

ನಿಮ್ಮ ಎಫ್‌ಓಐಆರ್ ಹೆಚ್ಚಾಗಿದ್ದರೆ, ಲೋನ್‌ಗೆ ಅಪ್ಲೈ ಮಾಡುವ ಮೊದಲು ಅದನ್ನು ಕಡಿಮೆ ಮಾಡಿಕೊಳ್ಳಿ. ಸಾಮಾನ್ಯವಾಗಿ, ಹೆಚ್ಚಿನ ಕ್ರೆಡಿಟ್ ಸ್ಕೋರ್ ಮತ್ತು ಕಡಿಮೆ ಎಫ್‌ಓಐಆರ್ ಇದ್ದಾಗ, ನೀವು ಪರ್ಸನಲ್ ಲೋನ್ ಮೂಲಕ ಸಾಕಷ್ಟು ಹಣವನ್ನು ಬಹಳ ಸುಲಭವಾಗಿ ಪಡೆಯಬಹುದು.

ಇನ್ನಷ್ಟು ಓದಿರಿ ಕಡಿಮೆ ಓದಿ