back

ಆದ್ಯತೆಯ ಭಾಷೆ

ಆದ್ಯತೆಯ ಭಾಷೆ

ಗಂಭೀರ ಅನಾರೋಗ್ಯದ ಹೆಲ್ತ್ ಇನ್ಶೂರೆನ್ಸ್

ಕ್ಯಾನ್ಸರ್‌ನಂತಹ ಜೀವ-ಭಯದ ಆರೋಗ್ಯ ಪರಿಸ್ಥಿತಿಗಳಿಗೆ ಸಮಗ್ರ ಕವರೇಜನ್ನು ಒದಗಿಸಲು ಗಂಭೀರ ಅನಾರೋಗ್ಯ ನೀತಿಯನ್ನು ವಿನ್ಯಾಸಗೊಳಿಸಲಾಗಿದೆ. ಅನಿರೀಕ್ಷಿತ, ಗಂಭೀರ ಮತ್ತು ದೀರ್ಘ ಅನಾರೋಗ್ಯದ ಸಂದರ್ಭ ಹಣಕಾಸಿನ ರಕ್ಷಣೆಯನ್ನು ಪಡೆಯಲು ನಿಮ್ಮ ನಿಯಮಿತ ಹೆಲ್ತ್ ಇನ್ಶೂರೆನ್ಸ್ ಪಾಲಿಸಿಗೆ ಹೆಚ್ಚುವರಿಯಾಗಿ ಇದನ್ನು ತೆಗೆದುಕೊಳ್ಳಬಹುದು.

ಹೆಚ್ಚಳದ ಮೇಲೆ ವೈದ್ಯಕೀಯ ಹಣದುಬ್ಬರದೊಂದಿಗೆ, ಹೆಚ್ಚಳಗೊಂಡ ಆಸ್ಪತ್ರೆ ದಾಖಲಾತಿ ಶುಲ್ಕಗಳ ವಿರುದ್ಧ ರಕ್ಷಣೆ ಪಡೆಯಲು ಗಂಭೀರ ಅನಾರೋಗ್ಯ ಇನ್ಶೂರೆನ್ಸ್ ಪಾಲಿಸಿಯನ್ನು ಹೊಂದಿರುವುದು ಅಗತ್ಯವಾಗಿದೆ. ಆರೋಗ್ಯ ತುರ್ತುಸ್ಥಿತಿಗಳಲ್ಲಿ ನಿಮ್ಮ ಹಣಕಾಸನ್ನು ನೋಡಿಕೊಳ್ಳುವಾಗ, ಪಾಲಿಸಿಯು ತೆರಿಗೆ ಪ್ರಯೋಜನಗಳನ್ನು ಕೂಡ ಒದಗಿಸುತ್ತದೆ.

ಬಜಾಜ್ ಫೈನಾನ್ಸ್ ಸಮಗ್ರ ಮತ್ತು ಕಡಿಮೆ ವೆಚ್ಚದ ಗಂಭೀರ ಅನಾರೋಗ್ಯ ಇನ್ಶೂರೆನ್ಸ್ ಪ್ಲಾನನ್ನು ಒದಗಿಸುತ್ತದೆ, ಇದು ಆರೋಗ್ಯ ತುರ್ತುಸ್ಥಿತಿಯ ಸಂದರ್ಭದಲ್ಲಿ ತುಂಬಾ ಸಹಾಯಕವಾಗಿರುತ್ತದೆ.

ಪ್ರಮುಖ ಫೀಚರ್‌ಗಳು ಮತ್ತು ಪ್ರಯೋಜನಗಳು

ಗಂಭೀರ ಅನಾರೋಗ್ಯ ಇನ್ಶೂರೆನ್ಸ್ ಅಡಿಯಲ್ಲಿ ನೀಡಲಾಗುವ ಪ್ರಮುಖ ಫೀಚರ್‌ಗಳು ಮತ್ತು ಪ್ರಯೋಜನಗಳು ಇಲ್ಲಿವೆ:

  • education loan

    ಹೆಚ್ಚಿನ ಕವರೇಜ್ ಮೊತ್ತ

    ಗಂಭೀರ ಅನಾರೋಗ್ಯದ ಸ್ಥಿತಿಗಳಲ್ಲಿ ಪಾಲಿಸಿಗಳು ಗುಣಮಟ್ಟದ ಚಿಕಿತ್ಸೆಯನ್ನು ಪಡೆಯಲು ನಿಮಗೆ ಸಹಾಯ ಮಾಡಲು ರೂ. 50 ಲಕ್ಷದವರೆಗಿನ ಕವರೇಜನ್ನು ಒದಗಿಸುತ್ತವೆ. ಆದಾಗ್ಯೂ, ನೀವು ಆಯ್ಕೆ ಮಾಡಿದ ಪಾಲಿಸಿಯ ಮೇಲೆ ಕವರೇಜ್ ಮೊತ್ತ ಅವಲಂಬಿತವಾಗಿರುತ್ತದೆ.

  • ಕಾಂಪ್ರೆಹೆನ್ಸಿವ್ ಯೂಸೇಜ್

    ಔಷಧಿಗಳ ಪಾವತಿಗಾಗಿ ಅಥವಾ ಪರಿಣಿತ ವೈದ್ಯಕೀಯ ಸಲಹೆ, ಹೆಚ್ಚಿನ ವೈದ್ಯಕೀಯ ಚಿಕಿತ್ಸೆಗಾಗಿ ಪಾಲಿಸಿ ಕವರ್ ಅನ್ನು ಬಳಸಿ.

  • lap documents required

    ಪ್ರಮುಖ ಕಾಯಿಲೆಗಳನ್ನು ಒಳಗೊಳ್ಳುತ್ತದೆ

    ಗಂಭೀರ ಅನಾರೋಗ್ಯದ ಹೆಲ್ತ್ ಇನ್ಶೂರೆನ್ಸ್ ಮುಖ್ಯವಾಗಿ 50 ಪ್ರಮುಖ ಗಂಭೀರ ಅನಾರೋಗ್ಯಗಳನ್ನು ಕವರ್ ಮಾಡುತ್ತದೆ. ಇವುಗಳಲ್ಲಿ ಕೆಲವು ಕೊರೋನರಿ ಆರ್ಟರಿ ಬೈಪಾಸ್ ಶಸ್ತ್ರಚಿಕಿತ್ಸೆ, ಸ್ಟ್ರೋಕ್, ಕಿಡ್ನಿ ವೈಫಲ್ಯ, ಪ್ರಮುಖ ಅಂಗ ಕಸಿ ಇತ್ಯಾದಿಗಳು.

  • ತೆರಿಗೆ ವಿನಾಯಿತಿ

    ಈ ಇನ್ಶೂರೆನ್ಸ್‌ಗೆ ಪಾವತಿಸಲಾದ ಪ್ರೀಮಿಯಂ ಆದಾಯ ತೆರಿಗೆ ಕಾಯ್ದೆ, 1961 ರ ಸೆಕ್ಷನ್ 80D ಅಡಿಯಲ್ಲಿ ತೆರಿಗೆ ವಿನಾಯಿತಿ ಪಡೆಯಬಹುದು. ಒಂದು ವೇಳೆ ಪಾಲಿಸಿದಾರರು 60 ವರ್ಷಕ್ಕಿಂತ ಕಡಿಮೆ ವಯಸ್ಸಿನವರಾಗಿದ್ದರೆ, ಆತ/ಆಕೆ ತೆರಿಗೆಗಳಲ್ಲಿ ರೂ. 25,000 ವರೆಗೆ ಉಳಿತಾಯ ಮಾಡಬಹುದು. 60 ವರ್ಷಗಳ ವಯಸ್ಸಿನ ಹಿರಿಯ ನಾಗರಿಕರು ತೆರಿಗೆಗಳಲ್ಲಿ ರೂ. 50,000 ವರೆಗೆ ಉಳಿತಾಯ ಮಾಡಬಹುದು.

  • education loan

    ತೊಂದರೆ ಇಲ್ಲದ ಕ್ಲೈಮ್‌ಗಳು

    ಯಾವುದೇ ಥರ್ಡ್ ಪಾರ್ಟಿಯನ್ನು ಒಳಗೊಳ್ಳದೆ ತೊಂದರೆ ರಹಿತ ರೀತಿಯಲ್ಲಿ ನಿಮ್ಮ ಕ್ಲೈಮ್‌ಗಳನ್ನು ಸೆಟಲ್ ಮಾಡಿ.

  • ಟೇಲರ್- ಮೇಡ್ ಪಾಲಿಸಿ

    ಈ ಪಾಲಿಸಿಯು ಸಾಮಾನ್ಯವಾಗಿ ನಿಯಮಿತ ಹೆಲ್ತ್ ಇನ್ಶೂರೆನ್ಸ್ ಅಡಿಯಲ್ಲಿ ಕವರ್ ಆಗದ ವೆಚ್ಚಗಳನ್ನು ಕವರ್ ಮಾಡುತ್ತದೆ.

ಗಂಭೀರ ಅನಾರೋಗ್ಯ ಪಾಲಿಸಿ ಎಂದರೇನು

ಗಂಭೀರ ಅನಾರೋಗ್ಯ ಇನ್ಶೂರೆನ್ಸ್ ಪಾಲಿಸಿಯು ಮೂತ್ರಪಿಂಡದ ವೈಫಲ್ಯ, ಹೃದಯಾಘಾತ, ಕ್ಯಾನ್ಸರ್, ಅಂಗಾಂಗ ಕಸಿಗಳು ಮುಂತಾದ ಜೀವ-ಬೆದರಿಕೆಯ ಗಂಭೀರ ಕಾಯಿಲೆಗಳ ವಿರುದ್ಧ ಕವರೇಜನ್ನು ಒದಗಿಸುತ್ತದೆ. ಅಂತಹ ಪಾಲಿಸಿಗಳು ಈ ರೋಗಗಳಿಗೆ ಸಂಬಂಧಿಸಿದ ಹೆಚ್ಚಿನ ವೆಚ್ಚದ ವಿರುದ್ಧ ಒಂದು ಬಾರಿಯ ಒಟ್ಟು ಮೊತ್ತದ ಕವರೇಜನ್ನು ಒದಗಿಸುತ್ತವೆ.

ವೈದ್ಯಕೀಯ ಚಿಕಿತ್ಸೆಯ ವೆಚ್ಚಗಳು ಪ್ರತಿ ವರ್ಷ ಹೆಚ್ಚುತ್ತಿರುವುದರಿಂದ, ವೈದ್ಯಕೀಯ ಮತ್ತು ವೈದ್ಯಕೀಯ ಅಲ್ಲದ ವೆಚ್ಚಗಳನ್ನು ಪೂರೈಸಲು ಸಮಗ್ರ ಇನ್ಶೂರೆನ್ಸ್ ಪಾಲಿಸಿಗೆ ಅಕ್ಸೆಸ್ ಮುಖ್ಯವಾಗಿದೆ.

ಗಂಭೀರ ಅನಾರೋಗ್ಯ ಇನ್ಶೂರೆನ್ಸ್ ಪಾಲಿಸಿ ಅಡಿಯಲ್ಲಿ ತೆರಿಗೆ ಪ್ರಯೋಜನಗಳು

ಗಂಭೀರ ಅನಾರೋಗ್ಯ ಪಾಲಿಸಿಯ ಗಮನಾರ್ಹ ಪ್ರಯೋಜನವೆಂದರೆ ಆದಾಯ ತೆರಿಗೆ ಪ್ರಯೋಜನಗಳ ಲಭ್ಯತೆ. ಆದಾಯ ತೆರಿಗೆ ಕಾಯ್ದೆ, 1961 ರ ನಿಯಮಗಳ ಅಡಿಯಲ್ಲಿ, ಚಾಲ್ತಿಯಲ್ಲಿರುವ ಸೆಕ್ಷನ್ 80D ತೆರಿಗೆ ಕಾನೂನುಗಳ ಪ್ರಕಾರ ನೀವು ಆದಾಯ ತೆರಿಗೆ ಕಡಿತವನ್ನು ಕ್ಲೈಮ್ ಮಾಡಬಹುದು (60 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ವ್ಯಕ್ತಿಗಳಿಗೆ ಸ್ವಯಂ, ಸಂಗಾತಿ ಮತ್ತು ಮಕ್ಕಳಿಗೆ ಪಾವತಿಸಿದ ಇನ್ಶೂರೆನ್ಸ್ ಪ್ರೀಮಿಯಂ ಮೇಲೆ ರೂ. 25,000 ವರೆಗಿನ ಪ್ರಯೋಜನವನ್ನು ಪಡೆಯಬಹುದು.). ಹೆಚ್ಚುವರಿಯಾಗಿ, 60 ವರ್ಷಕ್ಕಿಂತ ಹೆಚ್ಚಿನ ವಯಸ್ಸಿನ ವ್ಯಕ್ತಿಗಳು ಹಿರಿಯ ನಾಗರಿಕರು ಆದಾಯ ತೆರಿಗೆ ಕಡಿತಗಳಾಗಿ ರೂ. 50,000 ವರೆಗಿನ ಕಡಿತವನ್ನು ಕ್ಲೈಮ್ ಮಾಡಬಹುದು.

*ತೆರಿಗೆ ಪ್ರಯೋಜನವು ತೆರಿಗೆ ಕಾನೂನುಗಳಲ್ಲಿನ ಬದಲಾವಣೆಗಳಿಗೆ ಒಳಪಟ್ಟಿರುತ್ತದೆ

ಉತ್ತಮ ಗಂಭೀರ ಅನಾರೋಗ್ಯ ಇನ್ಶೂರೆನ್ಸ್ ಪ್ಲಾನ್ ಅನ್ನು ಆಯ್ಕೆ ಮಾಡುವುದು ಹೇಗೆ

ಮಾನದಂಡಗಳು ವಿವರಗಳು
ವಿಮೆ ಮಾಡಿಸಿದ ಮೊತ್ತ ರೂ. 50 ಲಕ್ಷದವರೆಗೆ ಅಥವಾ ಅದಕ್ಕೂ ಹೆಚ್ಚಿನ ಕನಿಷ್ಠ ಕವರೇಜ್
ಕಾಯುವ ಅವಧಿ ಪಾಲಿಸಿ ಆರಂಭದ ದಿನಾಂಕದಿಂದ ಕನಿಷ್ಠ 30 ದಿನಗಳು ಅಥವಾ ಗರಿಷ್ಠ 2 ವರ್ಷಗಳು
ಅಸ್ತಿತ್ವದ ಅವಧಿ ಪಾಲಿಸಿ ಡಾಕ್ಯುಮೆಂಟ್‌ಗಳಲ್ಲಿ ನಿರ್ದಿಷ್ಟಪಡಿಸಿದಂತೆ
ಕವರ್ ಆಗುವ ಕಾಯಿಲೆಗಳ ಸಂಖ್ಯೆ ಪಾಲಿಸಿ ಆಧರಿಸಿ 50 ರವರೆಗೆ ಅಥವಾ ಅದಕ್ಕಿಂತ ಹೆಚ್ಚು ಗಂಭೀರ ಕಾಯಿಲೆಗಳು
ನವೀಕರಣದ ವಯಸ್ಸು ಸಾಮಾನ್ಯವಾಗಿ, ಗರಿಷ್ಠ ವಯಸ್ಸು ಅಥವಾ ಜೀವಮಾನದ ನವೀಕರಣ

ಗಂಭೀರ ಅನಾರೋಗ್ಯ ಇನ್ಶೂರೆನ್ಸ್ ಪ್ಲಾನ್ ವರ್ಸಸ್ ಹೆಲ್ತ್ ಇನ್ಶೂರೆನ್ಸ್ ಪ್ಲಾನ್

ಗಂಭೀರ ಅನಾರೋಗ್ಯ ಕವರ್ ಮತ್ತು ಹೆಲ್ತ್ ಇನ್ಶೂರೆನ್ಸ್ ಪ್ಲಾನ್ ನಡುವಿನ ಗಮನಾರ್ಹ ವ್ಯತ್ಯಾಸಗಳು ಇಲ್ಲಿವೆ –
 
ಮಾನದಂಡಗಳು ಗಂಭೀರ ಅನಾರೋಗ್ಯದ ಇನ್ಶೂರೆನ್ಸ್ ಪ್ಲಾನ್ ಹೆಲ್ತ್ ಇನ್ಶೂರೆನ್ಸ್ ಪ್ಲಾನ್
ಅರ್ಥ ಇದು ಮಾರಣಾಂತಿಕ ಕಾಯಿಲೆಗಳ ವಿರುದ್ಧ ಕವರೇಜ್ ಒದಗಿಸುತ್ತದೆ. ಇದು ಆಸ್ಪತ್ರೆ ದಾಖಲಾತಿ ವೆಚ್ಚಗಳನ್ನು ಒಳಗೊಂಡಂತೆ ಸಮಗ್ರ ಹೆಲ್ತ್ ಇನ್ಶೂರೆನ್ಸ್ ಕವರೇಜ್ ಒದಗಿಸುತ್ತದೆ.
ಪ್ರಯೋಜನಗಳು ಪಾಲಿಸಿ ಕವರೇಜ್ ಪಡೆಯಲು ಆಸ್ಪತ್ರೆ ದಾಖಲಾತಿ ಕಡ್ಡಾಯವಲ್ಲ, ಡಯಾಗ್ನಸಿಸ್ ಮಾಡಿಸಿದ್ದರೆ ಸಾಕಾಗುತ್ತದೆ. ಆಸ್ಪತ್ರೆ ದಾಖಲಾತಿಗೆ ಸಂಬಂಧಿಸಿದ ಬಿಲ್‌ಗಳನ್ನು ಸಲ್ಲಿಸಿದ ನಂತರ ಮಾತ್ರ ಪಾಲಿಸಿ ಕವರೇಜ್ ಲಭ್ಯವಿದೆ. ನೆಟ್ವರ್ಕ್ ಆಸ್ಪತ್ರೆಗಳಲ್ಲಿ ನಗದುರಹಿತ ಪ್ರಯೋಜನಗಳನ್ನು ಕೂಡ ಪಡೆಯಬಹುದು.
ವ್ಯಾಪ್ತಿ ಇದು 50 ವರೆಗಿನ ಕಾಯಿಲೆಗಳ ವಿರುದ್ಧ ಕವರೇಜನ್ನು ಒದಗಿಸುತ್ತದೆ. ಇದು ಆಸ್ಪತ್ರೆಗೆ ದಾಖಲಾಗುವ ಮೊದಲು ಮತ್ತು ನಂತರದ ವೆಚ್ಚಗಳನ್ನು ಒಳಗೊಂಡಂತೆ ಸಮಗ್ರ ಕವರೇಜ್ ಒದಗಿಸುತ್ತದೆ.
ಕಾಯುವ ಅವಧಿ ಕಾಯುವ ಅವಧಿಯು ಅನಾರೋಗ್ಯದ ತೀವ್ರತೆಯನ್ನು ಅವಲಂಬಿಸಿರುತ್ತದೆ. ಇದು 30 ದಿನಗಳ ಸಾಮಾನ್ಯ ನಿರೀಕ್ಷಣಾ ಅವಧಿ ಹೊಂದಿರುತ್ತದೆ.

ಗಂಭೀರ ಅನಾರೋಗ್ಯ ಇನ್ಶೂರೆನ್ಸ್ ಪಾಲಿಸಿಗಳ ಹೋಲಿಕೆ

ವಿವಿಧ ಗಂಭೀರ ಅನಾರೋಗ್ಯ ಪ್ಲಾನ್‌‌ಗಳ ನಡುವಿನ ಹೋಲಿಕೆಯ ಟೇಬಲ್ ಈ ರೀತಿಯಾಗಿದೆ –

ಇನ್ಶೂರೆನ್ಸ್ ಪ್ಲಾನ್ ವಯಸ್ಸು ವಿಮೆ ಮಾಡಿಸಿದ ಮೊತ್ತ ಪಾಲಿಸಿ ಅವಧಿ
ಮಣಿಪಾಲ್‌ಸಿಗ್ನ ಪ್ರೊಹೆಲ್ತ್ ಇನ್ಶೂರೆನ್ಸ್ ಪಾಲಿಸಿ - (ಸೂಪರ್ ಟಾಪ್ ಅಪ್ ಯೋಜನೆ) 18 – 56 + ವರ್ಷಗಳು ರೂ. 15 ಲಕ್ಷ, ರೂ. 21 ಮತ್ತು ರೂ. 30 ಲಕ್ಷ 1 ವರ್ಷ
Niva Bupa ಹೆಲ್ತ್ ಕಂಪ್ಯಾನಿಯನ್ 18 - 60 ವರ್ಷಗಳು ರೂ. 5 ಲಕ್ಷ 1 ವರ್ಷ
ManipalCigna ಸೂಪರ್ ಟಾಪ್ ಅಪ್ 18 - 91 ವರ್ಷಗಳು ರೂ. 3 ಲಕ್ಷದಿಂದ 30 ಲಕ್ಷದವರೆಗೆ 1/2/3 ವರ್ಷಗಳು

*ಮೇಲಿನ ಮಾಹಿತಿಯು ಇನ್ಶೂರೆನ್ಸ್ ಪೂರೈಕೆದಾರರ ನಿಯಮಗಳ ಪ್ರಕಾರ ಬದಲಾಗಬಹುದು

ಗಂಭೀರ ಅನಾರೋಗ್ಯ ಇನ್ಶೂರೆನ್ಸ್ ಪಾಲಿಸಿಯನ್ನು ಯಾರು ಖರೀದಿಸಬೇಕು

ಒಟ್ಟಾರೆಯಾಗಿ, ಗಂಭೀರ ಕಾಯಿಲೆಗಳು ಯಾವುದೇ ಸಮಯದಲ್ಲಿ ದಾಳಿ ಮಾಡುವ ಸಾಧ್ಯತೆ ಇರುವುದರಿಂದ, ಯಾರು ಬೇಕಾದರೂ ಕ್ರಿಟಿಕಲ್ ಇಲ್ನೆಸ್ ಪ್ಲಾನ್ ಖರೀದಿಸಬಹುದು. ಆದಾಗ್ಯೂ, ಈ ಇನ್ಶೂರೆನ್ಸ್ ಪಾಲಿಸಿಯಿಂದ ಈ ಕೆಳಗಿನವರು ಅತಿಹೆಚ್ಚಿನ ಪ್ರಯೋಜನ ಪಡೆಯುತ್ತಾರೆ –
  • ಕುಟುಂಬದಲ್ಲಿ ಗಂಭೀರ ಅನಾರೋಗ್ಯದ ಹಿನ್ನೆಲೆ ಇರುವವರು
    ಹಲವಾರು ಗಂಭೀರ ಅನಾರೋಗ್ಯಗಳು ವಂಶಪಾರಂಪರಿಕ. ಹಾಗಾಗಿ, ಅಂತಹ ಕೌಟುಂಬಿಕ ಹಿನ್ನೆಲೆ ಇರುವವರು ಈ ರೀತಿಯ ಇನ್ಶೂರೆನ್ಸ್ ಪ್ಲಾನ್ ಹುಡುಕಬೇಕು. ತಮ್ಮ ಕುಟುಂಬದಲ್ಲಿ ಈ ಮುಂಚೆ ಯಾರಿಗಾದರೂ ಅಂತಹ ಅನಾರೋಗ್ಯ ಇದ್ದರೆ, ಅದು ಇವರಲ್ಲೂ ಕಾಣಿಸಿಕೊಳ್ಳುವ ಅಪಾಯ ಇರುತ್ತದೆ.
  • ಪ್ರಾಥಮಿಕ ಗಳಿಕೆದಾರ
    ತಮ್ಮ ಕುಟುಂಬಗಳ ಪ್ರಾಥಮಿಕ ಸಂಪಾದನೆಯ ಮೂಲವಾಗಿರುವ ವ್ಯಕ್ತಿಗಳು ಗಂಭೀರ ಅನಾರೋಗ್ಯದ ಹಣಕಾಸು ಪರಿಣಾಮಗಳನ್ನು ಕಡಿಮೆ ಮಾಡಲು ಈ ಇನ್ಶೂರೆನ್ಸ್ ಪ್ಲಾನ್ ಪರಿಗಣಿಸಬೇಕು. ಅಂತಹ ಇನ್ಶೂರೆನ್ಸ್ ಪಾಲಿಸಿಗಳು ನೀಡುವ ಕವರೇಜ್ ಅವರ ಕುಟುಂಬದ ಹಣಕಾಸಿನ ಹಿತಾಸಕ್ತಿಯನ್ನು ರಕ್ಷಿಸಬಲ್ಲದು.
  • 40 ವರ್ಷಕ್ಕಿಂತ ಮೇಲ್ಪಟ್ಟ ವ್ಯಕ್ತಿಗಳು
    40 ವರ್ಷ ಮೇಲ್ಪಟ್ಟ ವ್ಯಕ್ತಿಗಳು ಅಂತಹ ಅನಾರೋಗ್ಯಕ್ಕೆ ತುತ್ತಾಗುವ ಸಾಧ್ಯತೆ ಹೆಚ್ಚಾಗಿರುತ್ತದೆ. ಅವರು ತಮ್ಮ ಹಣಕಾಸು ಹಿತಾಸಕ್ತಿಗಳನ್ನು ರಕ್ಷಿಸಲು ಗಂಭೀರ ಅನಾರೋಗ್ಯ ಪಾಲಿಸಿಯನ್ನು ಆಯ್ಕೆ ಮಾಡಬಹುದು. ಹಾಗೆ ಮಾಡಿದಾಗ, ಈ ಹೆಚ್ಚುವರಿ ವೆಚ್ಚವನ್ನು ನಿರ್ವಹಿಸಲು ಅವರು ಆರ್ಥಿಕವಾಗಿ ಉತ್ತಮ ಸ್ಥಿತಿಯಲ್ಲಿ ಇರುತ್ತಾರೆ.
  • ಹೆಚ್ಚು ಸ್ಪರ್ಧಾತ್ಮಕ ಕೆಲಸದ ಪರಿಸರದಲ್ಲಿ ತೊಡಗಿಸಿಕೊಂಡವರು
    ಹೆಚ್ಚಿನ ಒತ್ತಡದ ಕೆಲಸಗಳಲ್ಲಿ ತೊಡಗಿರುವ ವ್ಯಕ್ತಿಗಳು ಅಂತಹ ಗಂಭೀರ ಅನಾರೋಗ್ಯದ ಕವರ್‌ಗಳನ್ನು ಪಡೆಯಬಹುದು. ಒತ್ತಡ ಮತ್ತು ಅನಿಶ್ಚಿತ ದಿನಚರಿಗಳು ಆರೋಗ್ಯದ ಕಡೆಗಣನೆಗೆ ಕಾರಣವಾಗಬಹುದು. ವೇಗವಾದ, ಹೆಚ್ಚಿನ ಒತ್ತಡದ ಕೆಲಸದಲ್ಲಿರುವ ವ್ಯಕ್ತಿಗಳು ಅಂತಹ ಇನ್ಶೂರೆನ್ಸ್ ಪ್ಲಾನ್‌ಗಳನ್ನು ಆಯ್ಕೆ ಮಾಡಬೇಕು ಎಂದು ಅಧ್ಯಯನಗಳು ಸೂಚಿಸುತ್ತವೆ.

ಕ್ರಿಟಿಕಲ್ ಇನ್ಶೂರೆನ್ಸ್ ಪಾಲಿಸಿಯನ್ನು ಆಯ್ಕೆ ಮಾಡುವಾಗ ಗಮನದಲ್ಲಿ ಇಡಬೇಕಾದ ವಿಷಯಗಳು

ಗಂಭೀರ ಅನಾರೋಗ್ಯ ಪ್ಲಾನ್‌ಗೆ ಅಪ್ಲೈ ಮಾಡುವ ಮೊದಲು ಈ ಕೆಳಗಿನ ಕೆಲವು ಅಂಶಗಳನ್ನು ಗಮನದಲ್ಲಿ ಇಡಬೇಕು –
  • ವಿಮೆ ಮಾಡಿದ ಮೊತ್ತ
    ವಿವಿಧ ಪಾಲಿಸಿಗಳನ್ನು ನೋಡುವಾಗ ವಿಮಾ ಮೊತ್ತವನ್ನು ಗಮನದಲ್ಲಿ ಇಟ್ಟುಕೊಳ್ಳಬೇಕು. ಪ್ರತಿಯೊಂದು ಗಂಭೀರ ಕಾಯಿಲೆಗೂ ಖರ್ಚಿನ ಪ್ರಮಾಣದಲ್ಲಿ ವ್ಯತ್ಯಾಸ ಇರುವುದರಿಂದ, ಅಪ್ಲೈ ಮಾಡುವ ಮೊದಲು ಕವರೇಜ್ ಮೊತ್ತವನ್ನು ಕಡ್ಡಾಯವಾಗಿ ಪರಿಶೀಲಿಸಿ.
  • ಉಪ-ಮಿತಿಗಳು
    ಗಂಭೀರ ಅನಾರೋಗ್ಯ ಇನ್ಶೂರೆನ್ಸ್‌ನ ಸಬ್‌ಲಿಮಿಟ್‌ಗಳು ಪಾಲಿಸಿಯ ಒಟ್ಟು ವೆಚ್ಚದ ಮೇಲೆ ಪರಿಣಾಮ ಬೀರಬಹುದು. ಈ ಲಿಮಿಟ್‌ಗಳು ಒಟ್ಟಾರೆ ವಿಮಾ ಮೊತ್ತಕ್ಕೂ ಅನ್ವಯವಾಗುತ್ತದೆ. ಉದಾಹರಣೆಗೆ, ಒಂದು ಕ್ರಿಟಿಕಲ್ ಇನ್ಶೂರೆನ್ಸ್ ಪ್ಲಾನ್ ರೂ. 5 ಲಕ್ಷದ ವಿಮಾ ಮೊತ್ತ ಹೊಂದಿದ್ದು, ವಿವಿಧ ಟೆಸ್ಟ್‌ಗಳಿಗೆ ಅದರ ಸಬ್‌ಲಿಮಿಟ್‌ ರೂ. 2 ಲಕ್ಷ ಎಂದುಕೊಳ್ಳೋಣ. ಆದರೆ ಟೆಸ್ಟ್‌ ಮುಗಿದ ಮೇಲೆ ಬಿಲ್‌ ಮೊತ್ತ ರೂ. 3 ಲಕ್ಷವಾದರೆ, ಅಂತಹ ಸಂದರ್ಭದಲ್ಲಿ, ನೀವು ನಿಮ್ಮ ಜೇಬಿನಿಂದ ರೂ. 1 ಲಕ್ಷ ಪಾವತಿಸಬೇಕಾಗುತ್ತದೆ.
  • ಸೇರ್ಪಡೆಗಳು ಮತ್ತು ಹೊರಗಿಡುವಿಕೆಗಳು
    ಗಂಭೀರ ಅನಾರೋಗ್ಯ ಇನ್ಶೂರೆನ್ಸ್ ಪಾಲಿಸಿಯ ಸೇರ್ಪಡಿಕೆ ಮತ್ತು ಹೊರಪಡಿಕೆಗಳನ್ನು ಮುಂಚಿತವಾಗಿ ಪರಿಶೀಲಿಸಬೇಕು. ನೀವು ಗಂಭೀರ ಎಂದು ಪರಿಗಣಿಸುವ ಒಂದಿಷ್ಟು ಕಾಯಿಲೆಗಳನ್ನು ಕೆಲವು ಪಾಲಿಸಿಗಳು ಗಂಭೀರ ಕಾಯಿಲೆಗಳ ಅಡಿಯಲ್ಲಿ ಕವರ್ ಮಾಡುವುದಿಲ್ಲ. ಅರ್ಜಿದಾರರಿಗೆ ಇದರ ಬಗ್ಗೆ ಮುಂಚಿತವಾಗಿಯೇ ತಿಳಿದಿದ್ದರೆ, ತಮ್ಮ ಚಿಕಿತ್ಸೆ ಖರ್ಚಿನ ಯಾವ್ಯಾವ ಮೊತ್ತ ಕವರ್ ಆಗುತ್ತದೆ ಮತ್ತು ಯಾವುದು ಆಗುವುದಿಲ್ಲ ಎಂಬುದು ಮೊದಲೇ ತಿಳಿಯುತ್ತದೆ.
  • ಗರಿಷ್ಠ ನವೀಕರಣ ವಯಸ್ಸು
    ಇನ್ಶೂರೆನ್ಸ್ ಪಾಲಿಸಿಗಳ ನವೀಕರಣದ ವಯಸ್ಸು ಇನ್ಶೂರೆನ್ಸ್ ಪೂರೈಕೆದಾರರ ಮೇಲೆ ಅವಲಂಬಿತವಾಗಿದೆ. ಕೆಲವು ಇನ್ಶೂರೆನ್ಸ್ ಕಂಪನಿಗಳು 60 ವರ್ಷ ವಯಸ್ಸಿನವರೆಗೆ ಕವರೇಜ್ ಒದಗಿಸುತ್ತವೆ, ಕೆಲವು ಕಂಪನಿಗಳು ಜೀವನಪರ್ಯಂತ ನವೀಕರಣ ಒದಗಿಸಬಹುದು. ಹೀಗಾಗಿ, ಈ ಪಾಯಿಂಟರ್ ಅನ್ನು ಪರಿಶೀಲಿಸುವುದು ಅತ್ಯಗತ್ಯ.
  • ಕಾಯುವ ಅವಧಿ
    ಸಾಮಾನ್ಯವಾಗಿ, ಇಂತಹ ಇನ್ಶೂರೆನ್ಸ್ ಪಾಲಿಸಿಗಳಿಗೆ ನಿರೀಕ್ಷಣಾ ಅವಧಿ ಇರುತ್ತದೆ. ಇದರರ್ಥ, ಪಾಲಿಸಿದಾರರು ನಿಗದಿತ ಸಮಯದ ನಂತರ ಮಾತ್ರ ಈ ಪ್ರಯೋಜನಗಳನ್ನು ಪಡೆಯಬಹುದು.
  • ಕ್ಲೈಮ್ ಸೆಟಲ್ಮೆಂಟ್ ಅನುಪಾತ
    ಅಷ್ಟೇ ಅಲ್ಲ, ಕ್ಲೈಮ್ ಸೆಟಲ್ಮೆಂಟ್ ಅನುಪಾತವನ್ನು ಪರಿಶೀಲಿಸುವುದು ಇಲ್ಲಿ ಇನ್ನೊಂದು ಪ್ರಮುಖ ಅಂಶವಾಗಿದೆ. ಇದು ನಿರ್ದಿಷ್ಟ ಪಾಲಿಸಿ ಪೂರೈಕೆದಾರರ ದಕ್ಷತೆಯ ಕುರಿತು ಮೇಲ್ನೋಟ ಒದಗಿಸಬಹುದು.

ಗಂಭೀರ ಅನಾರೋಗ್ಯ ಪಾಲಿಸಿಗಾಗಿ ಕ್ಲೈಮ್ ಅನ್ನು ಸಲ್ಲಿಸುವುದು ಹೇಗೆ?

ನಗದುರಹಿತ ಕ್ಲೈಮ್
ಬಜಾಜ್ ಅಲಾಯನ್ಸ್‌ನೊಂದಿಗೆ ನೋಂದಣಿಯಾದ ನೆಟ್ವರ್ಕ್ ಆಸ್ಪತ್ರೆಯಲ್ಲಿ ಮಾತ್ರ ನಗದುರಹಿತ ಚಿಕಿತ್ಸೆ ದೊರೆಯುತ್ತದೆ. ನಗದುರಹಿತ ಚಿಕಿತ್ಸೆ ಪಡೆಯಲು, ಈ ಕೆಳಗಿನ ವಿಧಾನವನ್ನು ಅನುಸರಿಸಬೇಕು:  

  • ನಿಮ್ಮ ಪಾಲಿಸಿ ವಿವರಗಳೊಂದಿಗೆ ನೆಟ್ವರ್ಕ್ ಆಸ್ಪತ್ರೆಯನ್ನು ಸಂಪರ್ಕಿಸಿ.

  • ಆಸ್ಪತ್ರೆಯು ನಿಮ್ಮ ವಿವರಗಳನ್ನು ಪರಿಶೀಲಿಸುತ್ತದೆ ಮತ್ತು ವಿಮಾದಾತರಿಗೆ ಪೂರ್ವ-ಅಧಿಕೃತ ಫಾರ್ಮ್ ಕಳುಹಿಸುತ್ತದೆ.

  • ವಿಮಾದಾತರು ಪೂರ್ವ-ಅಧಿಕೃತ ಕೋರಿಕೆಯನ್ನು ಪರಿಶೀಲಿಸುತ್ತಾರೆ ಹಾಗೂ ಪಾಲಿಸಿ ಕವರೇಜ್ ಮತ್ತು ಇತರ ವಿವರಗಳನ್ನು ಆಸ್ಪತ್ರೆಗೆ ತಿಳಿಸುತ್ತಾರೆ.
  •  

ಯೋಜಿತ ಆಸ್ಪತ್ರೆ ದಾಖಲಾತಿ

  • ಇನ್ಶೂರ್ಡ್‌ ಸದಸ್ಯರು ಆಸ್ಪತ್ರೆ ದಾಖಲಾತಿಯ ಬಗ್ಗೆ ಕನಿಷ್ಠ 72 ಗಂಟೆಗಳ ಮೊದಲು ತಿಳಿಸಬೇಕು.
  •  
  • ತುರ್ತು ಆಸ್ಪತ್ರೆ ದಾಖಲಾತಿ - ಇನ್ಶೂರ್ಡ್ ಸದಸ್ಯರು ಅಥವಾ ಅವರ ಕಡೆಯವರು 24 ಗಂಟೆಗಳ ಒಳಗೆ ಅಂತಹ ದಾಖಲಾತಿಯ ಬಗ್ಗೆ ತಿಳಿಸಬೇಕು.
  •  
  • ಆಗ ವಿಮಾದಾತರು, ನಿಮಗೆ ಅಥವಾ ನೆಟ್ವರ್ಕ್ ಆಸ್ಪತ್ರೆಗೆ ಪೂರ್ವ-ದೃಢೀಕೃತ ಪತ್ರವನ್ನು ಕಳುಹಿಸುತ್ತಾರೆ. ಈ ಪಾಲಿಸಿಯೊಂದಿಗೆ ನಿಮಗೆ ನೀಡಲಾದ ಪೂರ್ವ-ಅಧಿಕೃತ ಪತ್ರ, ID ಕಾರ್ಡ್ ಮತ್ತು ವಿಮಾದಾತರು ನಿರ್ದಿಷ್ಟಪಡಿಸಿದ ಯಾವುದೇ ಇತರ ಮಾಹಿತಿ ಅಥವಾ ಡಾಕ್ಯುಮೆಂಟೇಶನ್ ಅನ್ನು ಆಸ್ಪತ್ರೆ ದಾಖಲಾತಿ ಸಮಯದಲ್ಲಿ ಪೂರ್ವ-ಅಧಿಕೃತ ಪತ್ರದಲ್ಲಿ ಗುರುತಿಸಲಾದ ನೆಟ್ವರ್ಕ್ ಆಸ್ಪತ್ರೆಗೆ ಸಲ್ಲಿಸಬೇಕು.
  • ಮೇಲಿನ ವಿಧಾನವನ್ನು ಅನುಸರಿಸಿದರೆ, ನೆಟ್ವರ್ಕ್ ಆಸ್ಪತ್ರೆಯಲ್ಲಿ ಒಟ್ಟಾರೆ ಕಟಾವಣೆ ಮೊತ್ತಕ್ಕಿಂತ ಹೆಚ್ಚಿನ ವೈದ್ಯಕೀಯ ವೆಚ್ಚಗಳಿಗೆ ನೀವು ನೇರವಾಗಿ ಪಾವತಿಸಬೇಕಾಗಿಲ್ಲ.
  • ಮೂಲ ಬಿಲ್‌ಗಳು ಮತ್ತು ಅದಕ್ಕೆ ಸಂಬಂಧಿಸಿದ ಚಿಕಿತ್ಸೆಯ ಸಾಕ್ಷ್ಯಗಳನ್ನು ನೆಟ್ವರ್ಕ್ ಆಸ್ಪತ್ರೆಯಲ್ಲೇ ಬಿಡಬೇಕಾಗುತ್ತದೆ.
ಮೊತ್ತ ಮರಳಿಸುವಿಕೆ ಕ್ಲೈಮ್
ಒಂದು ವೇಳೆ ವಿಮಾದಾತರು ಗಂಭೀರ ಅನಾರೋಗ್ಯ ಇನ್ಶೂರೆನ್ಸ್ ಪಾಲಿಸಿಯಲ್ಲಿ ಮೇಲೆ ನಮೂದಿಸಿದ ನಗದುರಹಿತ ಕ್ಲೈಮ್ ಪ್ರಕ್ರಿಯೆಯ ಅಡಿಯಲ್ಲಿ ಪೂರ್ವ-ಅಧಿಕಾರವನ್ನು ನಿರಾಕರಿಸಿದರೆ. ಅಥವಾ ನೆಟ್ವರ್ಕ್ ಆಸ್ಪತ್ರೆಯನ್ನು ಹೊರತುಪಡಿಸಿ ಇತರ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದಿದ್ದರೆ ಅಥವಾ ನೀವು ನಗದುರಹಿತ ಸೌಲಭ್ಯವನ್ನು ಪಡೆಯಲು ಬಯಸದಿದ್ದರೆ, ಈ ಕೆಳಗಿನ ವಿಧಾನವನ್ನು ಅನುಸರಿಸಬೇಕು:

  • ನೀವು ಅಥವಾ ನಿಮ್ಮ ಪರವಾಗಿ ಕ್ಲೈಮ್ ಮಾಡುವ ಯಾರಾದರೂ ಆಸ್ಪತ್ರೆಗೆ ದಾಖಲಾದ 48 ಗಂಟೆಗಳ ಒಳಗೆ ತಕ್ಷಣವೇ ವಿಮಾದಾತರಿಗೆ ತಿಳಿಸಬೇಕು ಮತ್ತು ದಾಖಲಾತಿಗೆ ಸಂಬಂಧಿಸಿದ ಎಲ್ಲಾ ಡಾಕ್ಯುಮೆಂಟ್‌ಗಳನ್ನು ಆಸ್ಪತ್ರೆಯಿಂದ ಸಂಗ್ರಹಿಸಬೇಕು.

  • ವಿಮಾದಾರರ ಸಾವಿನ ಸಂದರ್ಭದಲ್ಲಿ, ಅವರ ಪರವಾಗಿ ಕ್ಲೈಮ್ ಮಾಡುವ ವ್ಯಕ್ತಿಯು ತಕ್ಷಣವೇ ವಿಮಾದಾತರಿಗೆ (ಲಿಖಿತವಾಗಿ) ತಿಳಿಸಬೇಕು ಮತ್ತು 30 ದಿನಗಳ ಒಳಗೆ ಪೋಸ್ಟ್ ಮಾರ್ಟಂ ವರದಿಯ ಪ್ರತಿಯನ್ನು (ಯಾವುದಾದರೂ ಇದ್ದರೆ) ಕಳುಹಿಸಬೇಕು.

  • ಡೇಕೇರ್ ಪ್ರಕ್ರಿಯೆಗಳನ್ನು ಹೊರತುಪಡಿಸಿ, 24 ಗಂಟೆಗಳಿಗಿಂತ ಕಡಿಮೆ ಸಮಯದವರೆಗೆ ಆಸ್ಪತ್ರೆಗೆ ದಾಖಲಾಗುವ ಯಾವುದೇ ಅವಧಿಗೆ ವಿಮಾದಾತರು ನಿಮಗೆ ನಷ್ಟ ಪರಿಹಾರ ನೀಡುವುದಿಲ್ಲ.

  • ವಿಮಾದಾತರು ಭಾರತೀಯ ರೂಪಾಯಿಗಳಲ್ಲಿ ಮಾತ್ರ ಕ್ಲೈಮ್ ಪಾವತಿ ಮಾಡಬಹುದು.

ಗಂಭೀರ ಅನಾರೋಗ್ಯ ಇನ್ಶೂರೆನ್ಸ್ ಪಾಲಿಸಿಯ ಒಳಗೊಳ್ಳುವಿಕೆಗಳು

ಗಂಭೀರ ಅನಾರೋಗ್ಯ ಪಾಲಿಸಿ ಅಡಿಯಲ್ಲಿ ಪ್ರಮಾಣಿತ ಒಳಗೊಳ್ಳುವಿಕೆಗಳು ಇಲ್ಲಿವೆ:
  • ಗಂಭೀರ ಅನಾರೋಗ್ಯ ಹೆಲ್ತ್ ಇನ್ಶೂರೆನ್ಸ್ ಪ್ರಮುಖವಾಗಿ ಗರಿಷ್ಠ 50 ಪ್ರಮುಖ ಗಂಭೀರ ಅನಾರೋಗ್ಯಗಳನ್ನು ಕವರ್ ಮಾಡುತ್ತದೆ. ಇವುಗಳಲ್ಲಿ ಕೆಲವು ಕೊರೋನರಿ ಆರ್ಟರಿ ಬೈಪಾಸ್ ಶಸ್ತ್ರಚಿಕಿತ್ಸೆ, ಸ್ಟ್ರೋಕ್, ಕಿಡ್ನಿ ವೈಫಲ್ಯ, ಪ್ರಮುಖ ಅಂಗ ಕಸಿ ಇತ್ಯಾದಿಗಳು.
  • ಗಂಭೀರ ಅನಾರೋಗ್ಯ ಕವರ್ ಮೊತ್ತವು ಇನ್ಶೂರೆನ್ಸ್ ಒದಗಿಸುವವರ ಆಧಾರದ ಮೇಲೆ ಬದಲಾಗುತ್ತದೆ.
  • ರೋಗನಿರ್ಣಯದ 30 ದಿನಗಳ ಒಳಗೆ ಅಥವಾ ಗಂಭೀರ ಅನಾರೋಗ್ಯ ಇನ್ಶೂರೆನ್ಸ್ ಪಾಲಿಸಿಯ ನಿಯಮ ಮತ್ತು ಷರತ್ತುಗಳಲ್ಲಿ ನಮೂದಿಸಿದಂತೆ ನೀವು ಗಂಭೀರ ಅನಾರೋಗ್ಯ ಇನ್ಶೂರೆನ್ಸ್ ನಿಂದ ಪ್ರಯೋಜನ ಪಡೆಯಬಹುದು.
  • ಗಂಭೀರ ಅನಾರೋಗ್ಯ ಪಾಲಿಸಿ ಯಲ್ಲಿ ನಮೂದಿಸಿದಂತೆ ವಿಮಾದಾರರು ಒಟ್ಟು ಮೊತ್ತವನ್ನು ಪಡೆಯುತ್ತಾರೆ.
  • ಗಂಭೀರ ಅನಾರೋಗ್ಯ ಇನ್ಶೂರೆನ್ಸ್ ಪಾಲಿಸಿ ವಾರ್ಷಿಕ ಆರೋಗ್ಯ ತಪಾಸಣೆಗಳನ್ನು ಕೂಡ ಕವರ್ ಮಾಡುತ್ತದೆ.

ಗಂಭೀರ ಅನಾರೋಗ್ಯ ಇನ್ಶೂರೆನ್ಸ್ ಪಾಲಿಸಿಯ ಹೊರಗಿಡುವಿಕೆಗಳು

ಗಂಭೀರ ಅನಾರೋಗ್ಯ ಪಾಲಿಸಿ ಅಡಿಯಲ್ಲಿ ಪ್ರಮಾಣಿತ ಒಳಗೊಳ್ಳುವಿಕೆಗಳು ಇಲ್ಲಿವೆ:
  • ಗಂಭೀರ ಅನಾರೋಗ್ಯ ಅಥವಾ ಶಸ್ತ್ರಚಿಕಿತ್ಸೆಯ 30 ದಿನಗಳ ಒಳಗೆ ಒಬ್ಬ ವ್ಯಕ್ತಿಯು ಸಾವಿಗೀಡಾದರೆ ಯಾವುದೇ ಪರಿಹಾರವಿಲ್ಲ.
  • ಧೂಮಪಾನ, ತಂಬಾಕು, ಮದ್ಯ, ಅಥವಾ ಡ್ರಗ್ ತೆಗೆದುಕೊಂಡ ಕಾರಣ ಉಂಟಾದ ಯಾವುದೇ ಗಂಭೀರ ಅನಾರೋಗ್ಯವನ್ನು ಗಂಭೀರ ಅನಾರೋಗ್ಯ ಇನ್ಶೂರೆನ್ಸ್ ಪಾಲಿಸಿ ಒಳಗೊಂಡಿಲ್ಲ
  • ಆಂತರಿಕ ಅಥವಾ ಬಾಹ್ಯ ಜನ್ಮಜಾತ ಅಸ್ವಸ್ಥತೆಯಿಂದಾಗಿ ಉಂಟಾದ ಗಂಭೀರ ಅನಾರೋಗ್ಯವನ್ನು ಗಂಭೀರ ಅನಾರೋಗ್ಯ ಇನ್ಶೂರೆನ್ಸ್ ಒಳಗೊಂಡಿಲ್ಲ
  • ಗರ್ಭಧಾರಣೆ ಅಥವಾ ಮಗುವಿನ ಹುಟ್ಟಿದ ಸಂಬಂಧಿತ ಗಂಭೀರ ಪರಿಸ್ಥಿತಿಗಳನ್ನು ಗಂಭೀರ ಅನಾರೋಗ್ಯ ಇನ್ಶೂರೆನ್ಸ್ ಅಡಿಯಲ್ಲಿ ಕವರ್ ಮಾಡಲಾಗುವುದಿಲ್ಲ.
  • ಸಾಹಸ ಕ್ರೀಡಾ ಗಾಯಗಳು, ಸ್ವಯಂ ಹಾನಿ ಮತ್ತು ಯುದ್ಧದ ಗಾಯಗಳನ್ನು ಗಂಭೀರ ಅನಾರೋಗ್ಯ ಪಾಲಿಸಿ ಒಳಗೊಂಡಿಲ್ಲ

ಭಾರತದಲ್ಲಿ ಗಂಭೀರ ಅನಾರೋಗ್ಯ ಇನ್ಶೂರೆನ್ಸಿನ ಪ್ರಾಮುಖ್ಯತೆ

ಭಾರತದಲ್ಲಿ ಗಂಭೀರ ಅನಾರೋಗ್ಯ ಇನ್ಶೂರೆನ್ಸ್ ಏಕೆ ಮುಖ್ಯವಾಗಿದೆ ಎಂಬುದು ಇಲ್ಲಿದೆ:

ವಿಸ್ತರಿತ ಕವರೇಜ್

ಗಂಭೀರ ಅನಾರೋಗ್ಯ ಇನ್ಶೂರೆನ್ಸ್ ನೀಡುವ ವ್ಯಾಪಕ ಕವರೇಜ್ ಅದು ಏಕೆ ಮುಖ್ಯವಾಗಿದೆ ಎಂಬುದಕ್ಕೆ ಕಾರಣಗಳಲ್ಲಿ ಒಂದಾಗಿದೆ. ಇದು ಗಂಭೀರತೆಯ ವಿವಿಧ ಹಂತಗಳೊಂದಿಗೆ ಗಂಭೀರ ಅನಾರೋಗ್ಯಗಳನ್ನು ಒಳಗೊಂಡಿರುತ್ತದೆ. ಹೆಚ್ಚುವರಿಯಾಗಿ, ಈ ಪಾಲಿಸಿಯ ಅಡಿಯಲ್ಲಿ ವಿಮಾ ಮೊತ್ತವು ಆಸ್ಪತ್ರೆ ಬಿಲ್‌ಗಳನ್ನು ಹೊರತುಪಡಿಸಿ ಇತರ ಆರೋಗ್ಯ ವೆಚ್ಚಗಳನ್ನು ನಿರ್ವಹಿಸಲು ನಿಮಗೆ ಸಹಾಯ ಮಾಡುತ್ತದೆ.

ಲಂಪ್‌ಸಮ್‌ನ ಪ್ರಯೋಜನಗಳು

ಗಂಭೀರ ಅನಾರೋಗ್ಯ ಇನ್ಶೂರೆನ್ಸ್ ದೊಡ್ಡ ಮೊತ್ತದ ಪಾವತಿಯನ್ನು ಒದಗಿಸುತ್ತದೆ, ಇದು ಹೆಲ್ತ್‌ಕೇರ್ ವೆಚ್ಚಗಳನ್ನು ನಿರ್ವಹಿಸುವಲ್ಲಿ ಅದರ ಮೌಲ್ಯವನ್ನು ಹೆಚ್ಚಿಸುತ್ತದೆ. ಆಸ್ಪತ್ರೆಗೆ ದಾಖಲಾಗುವ ಬಿಲ್‌ಗಳನ್ನು ಪರಿಗಣಿಸದೆ ದೊಡ್ಡ ಮೊತ್ತದ ಪಾವತಿಯನ್ನು ಮಾಡಲಾಗುತ್ತದೆ. ಆಸ್ಪತ್ರೆ ದಾಖಲಾತಿಯ ನಂತರದ ಔಷಧ, ಸಾರಿಗೆ, ಉಳಿದುಕೊಳ್ಳುವಿಕೆ, ಮನೆಯಲ್ಲಿ ಚಿಕಿತ್ಸೆ ಮತ್ತು ಇತರ ವೆಚ್ಚಗಳಿಗೆ ಈ ಹಣವನ್ನು ಬಳಸಬಹುದು.

ಗುಣಮಟ್ಟದ ಆರೋಗ್ಯ ರಕ್ಷಣೆಗೆ ಅಕ್ಸೆಸ್

ಗಂಭೀರ ಅನಾರೋಗ್ಯಗಳ ವಿರುದ್ಧ ಹೋರಾಡಲು ಗಂಭೀರ ಅನಾರೋಗ್ಯ ಇನ್ಶೂರೆನ್ಸ್ ಪ್ಲಾನ್‌ಗಳು ಮುಖ್ಯವಾಗಿವೆ. ಹಣಕಾಸಿನ ಕೊರತೆಯಿಂದಾಗಿ, ಗಂಭೀರ ಅನಾರೋಗ್ಯದಿಂದ ಬಳಲುತ್ತಿರುವ ಅನೇಕ ಜನರು ಆರೈಕೆಯನ್ನು ಪಡೆಯಲು ಸಾಧ್ಯವಾಗುತ್ತಿಲ್ಲ. ಈ ಪಾಲಿಸಿಯು ಗುಣಮಟ್ಟದ ಆರೋಗ್ಯ ರಕ್ಷಣೆಗೆ ಅಕ್ಸೆಸ್ ಅನ್ನು ಸಕ್ರಿಯಗೊಳಿಸುತ್ತದೆ. ಆದ್ದರಿಂದ, ರೋಗಿಗಳು ಗಂಭೀರ ಅನಾರೋಗ್ಯ ಇನ್ಶೂರೆನ್ಸ್ ಕವರೇಜ್‌ನೊಂದಿಗೆ ಸರಿಯಾದ ಚಿಕಿತ್ಸೆಯನ್ನು ಪಡೆಯಬಹುದು, ಇದು ಅವರ ಬದುಕಿನ ಅವಕಾಶಗಳನ್ನು ಹೆಚ್ಚಿಸುತ್ತದೆ.

ಗಂಭೀರ ಅನಾರೋಗ್ಯ ಇನ್ಶೂರೆನ್ಸ್ ಪ್ಲಾನ್ ಏಕೆ ಖರೀದಿಸಬೇಕು

ನಿಮ್ಮ ಪ್ರಾಥಮಿಕ ಹೆಲ್ತ್ ಇನ್ಶೂರೆನ್ಸ್ ರೂಟಿನ್ ಅನಾರೋಗ್ಯ ಮತ್ತು ಸ್ಟ್ಯಾಂಡರ್ಡ್ ಆಸ್ಪತ್ರೆ ಪ್ರಕ್ರಿಯೆಗಳನ್ನು ನೋಡಿಕೊಳ್ಳುತ್ತದೆ, ಗಂಭೀರ ಅನಾರೋಗ್ಯದ ಪ್ಲಾನ್ ಯಾವುದೇ ಅನಿರೀಕ್ಷಿತ ಗಂಭೀರ ಅನಾರೋಗ್ಯ ಅಥವಾ ವೈದ್ಯಕೀಯ ತೊಂದರೆಗಳನ್ನು ಕವರ್ ಮಾಡುತ್ತದೆ. ಗಂಭೀರ ಅನಾರೋಗ್ಯ ಇನ್ಶೂರೆನ್ಸ್ ಪ್ಲಾನ್ ಅಗತ್ಯವಾಗಿರುವುದಕ್ಕೆ ಕೆಲವು ಕಾರಣಗಳು ಇಲ್ಲಿವೆ.

  • ದುಬಾರಿ ಚಿಕಿತ್ಸೆಗಳಿಗೆ ಸೇರಿಸಲಾದ ಕವರೇಜ್
  • ಹೆಚ್ಚುವರಿ ಹಣಕಾಸಿನ ಭದ್ರತೆ
  • ಒತ್ತಡ-ಮುಕ್ತ ಆಸ್ಪತ್ರೆ ದಾಖಲಾತಿ
  • ಉಳಿತಾಯಗಳಿಗೆ ಯಾವುದೇ ತೊಂದರೆ ನೀಡುವುದಿಲ್ಲ
  • ಕಡಿಮೆ ಪ್ರೀಮಿಯಂಗಳಲ್ಲಿ ಗಣನೀಯ ಕವರೇಜ್
  • ಪ್ರಾಥಮಿಕ ಹೆಲ್ತ್ ಇನ್ಶೂರೆನ್ಸ್ ಪ್ಲಾನಿನಲ್ಲಿ ಕವರ್ ಆಗದ ಪ್ರಯೋಜನಗಳನ್ನು ಒದಗಿಸುತ್ತದೆ.

ಗಂಭೀರ ಅನಾರೋಗ್ಯ ಇನ್ಶೂರೆನ್ಸ್‌‌ಗಾಗಿ ಆಗಾಗ್ಗೆ ಕೇಳಲಾಗುವ ಪ್ರಶ್ನೆಗಳು (FAQ ಗಳು)

1 ಗಂಭೀರ ಅನಾರೋಗ್ಯ ಇನ್ಶೂರೆನ್ಸ್ ಎಂದರೇನು?

ಗಂಭೀರ ಅನಾರೋಗ್ಯ ಪಾಲಿಸಿ ಒಂದು ರೀತಿಯ ಹೆಲ್ತ್ ಇನ್ಶೂರೆನ್ಸ್ ಪ್ಲಾನ್ ಆಗಿದ್ದು, ಪಾಲಿಸಿಯಲ್ಲಿ ನಮೂದಿಸಿದ ಯಾವುದೇ ಗಂಭೀರ ಅನಾರೋಗ್ಯವನ್ನು ಕಂಡುಹಿಡಿಯಲಾದರೆ ನಿಮ್ಮ ವೈದ್ಯಕೀಯ ವೆಚ್ಚಗಳನ್ನು ಕವರ್ ಮಾಡುತ್ತದೆ. ಇದು ನಿಯಮಿತ ಹೆಲ್ತ್ ಇನ್ಶೂರೆನ್ಸ್‌ಗೆ ಆ್ಯಡ್-ಆನ್ ಪಾಲಿಸಿಯಾಗಿ ಕಾರ್ಯನಿರ್ವಹಿಸುತ್ತದೆ.

2 ಗಂಭೀರ ಅನಾರೋಗ್ಯದ ಕವರ್ ಏಕೆ ಅಗತ್ಯವಿದೆ?

ನಿಮಗೆ ಅಥವಾ ನಿಮ್ಮ ಕುಟುಂಬದ ಸದಸ್ಯರನ್ನು ಗಂಭೀರ ಅನಾರೋಗ್ಯದೊಂದಿಗೆ ಡಯಾಗ್ನೈಸ್ ಮಾಡಿದ್ದರೆ, ಗಂಭೀರ ಅನಾರೋಗ್ಯ ಕವರ್ ನಿಮಗೆ ಹಣಕಾಸಿನ ಭದ್ರತೆಯನ್ನು ಒದಗಿಸುತ್ತದೆ. ಚಿಕಿತ್ಸೆ ಮತ್ತು ಆರೋಗ್ಯ ರಕ್ಷಣಾ ವೆಚ್ಚಗಳು, ಚೇತರಿಕೆಯ ಸಾಧನಗಳು ಇತ್ಯಾದಿಗಳಿಗಾಗಿ ಬಳಸಬಹುದಾದ ಒಟ್ಟು ಮೊತ್ತದ ಪಾವತಿಯನ್ನು ಕವರೇಜ್ ಒಳಗೊಂಡಿದೆ. ಆದ್ದರಿಂದ, ಹೆಚ್ಚುವರಿ ಮತ್ತು ವ್ಯಾಪಕ ಕವರೇಜ್ ಒದಗಿಸಲು ನಿಮ್ಮ ಪ್ರಾಥಮಿಕ ಹೆಲ್ತ್ ಇನ್ಶೂರೆನ್ಸ್‌ಗೆ ಆ್ಯಡ್-ಆನ್ ಆಗಿ ಗಂಭೀರ ಅನಾರೋಗ್ಯ ಇನ್ಶೂರೆನ್ಸ್ ಪಾಲಿಸಿ ಅಗತ್ಯವಿದೆ.

3 ಗಂಭೀರ ಅನಾರೋಗ್ಯದ ಇನ್ಶೂರೆನ್ಸ್ ಪಡೆಯುವುದು ಮೌಲ್ಯಯುತವೇ?

ನಿಮ್ಮ ಆರೋಗ್ಯ ಮಾತ್ರವಲ್ಲದೆ ಗಂಭೀರ ಅನಾರೋಗ್ಯ ಸಂದರ್ಭದಲ್ಲಿ ನಿಮ್ಮ ಹಣಕಾಸಿನ ತೊಂದರೆ ಕೂಡ ಉಂಟಾಗುತ್ತದೆ. ಇದು ನಿಮಗೆ ಹಣಕಾಸಿನ ಸಂಕಟವನ್ನು ನೀಡಬಹುದು. ಆದ್ದರಿಂದ, ಉತ್ತಮ ಗಂಭೀರ ಅನಾರೋಗ್ಯ ಇನ್ಶೂರೆನ್ಸ್ ಪಾಲಿಸಿ ಯಲ್ಲಿ ಹೂಡಿಕೆ ಮಾಡುವುದು ಮುಖ್ಯ. ಇದು ಇತರ ಹೆಲ್ತ್ ಇನ್ಶೂರೆನ್ಸ್‌ಗಳ ಅಡಿಯಲ್ಲಿ ಕವರ್ ಆಗಬಹುದಾದ ಅಥವಾ ಇಲ್ಲದಿರಬಹುದಾದ ಕಾಯಿಲೆಗಳನ್ನು ಕವರ್ ಮಾಡುತ್ತದೆ ಮತ್ತು ಅತ್ಯಂತ ಮೌಲ್ಯಯುತವಾದ ಅಂಶವೆಂದರೆ ವಿಮಾದಾರರು ಗಂಭೀರ ಅನಾರೋಗ್ಯ ಕವರ್ ಅನ್ನು ಹೇಗೆ ಬಳಸುವುದು ಎಂಬುದನ್ನು ನಿರ್ಧರಿಸುವ ಸಂಪೂರ್ಣ ಸ್ವಾತಂತ್ರ್ಯವನ್ನು ಹೊಂದಿದ್ದಾರೆ.

4 ನಾನು ಹೆಲ್ತ್ ಇನ್ಶೂರೆನ್ಸ್ ಹೊಂದಿದ್ದರೆ ನನಗೆ ಗಂಭೀರ ಅನಾರೋಗ್ಯ ಇನ್ಶೂರೆನ್ಸ್ ಅಗತ್ಯವಿದೆಯೇ?

ಹೌದು, ಕ್ಯಾನ್ಸರ್, ಹೃದಯ ರೋಗಗಳಂತಹ ಪ್ರಮುಖ ರೋಗಗಳ ಚಿಕಿತ್ಸೆಗೆ ಉಂಟಾಗುವ ವೈದ್ಯಕೀಯ ವೆಚ್ಚಗಳನ್ನು ಕವರ್ ಮಾಡಲು ಗಂಭೀರ ಅನಾರೋಗ್ಯ ವಿಮೆಯು ಪ್ರಯೋಜನಕಾರಿಯಾಗಿರಬಹುದು. ನಿಮ್ಮ ನಿಯಮಿತ ಹೆಲ್ತ್ ಇನ್ಶೂರೆನ್ಸ್ ಪಾಲಿಸಿಯಲ್ಲಿ ಸೇರಿಸಬಹುದಾದ ಅಥವಾ ಸೇರಿಸದ ಯಾವುದೇ ಗಂಭೀರ ಅನಾರೋಗ್ಯ ಚಿಕಿತ್ಸೆಗೆ ಉಂಟಾಗುವ ಹೆಚ್ಚುವರಿ ವೆಚ್ಚಗಳನ್ನು ಇದು ಕವರ್ ಮಾಡುತ್ತದೆ.

5 ಗಂಭೀರ ಅನಾರೋಗ್ಯ ಇನ್ಶೂರೆನ್ಸ್ ಅಡಿಯಲ್ಲಿ ಯಾವ ಅನಾರೋಗ್ಯಗಳನ್ನು ಕವರ್ ಮಾಡಲಾಗುತ್ತದೆ?

ಪಾಲಿಸಿಯ ಅಡಿಯಲ್ಲಿ ಸಾಮಾನ್ಯವಾಗಿ ಕವರ್ ಆಗುವ ಕೆಲವು ಗಂಭೀರ ಅನಾರೋಗ್ಯಗಳ ಪಟ್ಟಿ ಇಲ್ಲಿದೆ:

· ಕ್ಯಾನ್ಸರ್
· ಹಾರ್ಟ್ ಅಟ್ಯಾಕ್
· ಓಪನ್ ಹಾರ್ಟ್ ಕೊರೋನರಿ ಆರ್ಟರಿ ಬೈಪಾಸ್ ಗ್ರಾಫ್ಟಿಂಗ್
· ಓಪನ್ ಹಾರ್ಟ್ ರಿಪ್ಲೇಸ್ಮೆಂಟ್ ಅಥವಾ ಹೃದಯ ನಾಳಗಳ ರಿಪೇರಿ
· ನಿರ್ದಿಷ್ಟ ತೀವ್ರತೆಯ ಕೋಮಾ
· ನಿಯಮಿತ ಡಯಾಲಿಸಿಸ್ ಅಗತ್ಯವಿರುವ ಕಿಡ್ನಿ ವೈಫಲ್ಯ
· ಸ್ಟ್ರೋಕ್
· ಪ್ರಮುಖ ಅಂಗ ಕಸಿ
· ಬೋನ್ ಮ್ಯಾರೋ ಟ್ರಾನ್ಸ್‌ಪ್ಲಾಂಟ್
· ಕೈಕಾಲುಗಳ ಶಾಶ್ವತ ಪಾರ್ಶ್ವವಾಯು
· ಮೋಟಾರ್ ನ್ಯೂರಾನ್ ರೋಗ (ALS)
· ಮಲ್ಟಿಪಲ್ ಸ್ಕ್ಲೆರೋಸಿಸ್
· ಅಪ್ಲಾಸ್ಟಿಕ್ ಅನೇಮಿಯಾ
· ಬ್ಯಾಕ್ಟೀರಿಯಲ್ ಮೆನಿಂಜೈಟಿಸ್
· ಮಾತನಾಡಲು ಆಗದಿರುವುದು
· ಅಂತಿಮ ಹಂತದ ಲಿವರ್ ರೋಗ
· ಕಿವುಡುತನ
· ಪ್ರಮುಖ ಸುಟ್ಟ ಗಾಯಗಳು
· ಮಸ್ಕ್ಯುಲರ್ ಡಿಸ್ಟ್ರೋಫಿ

6 ಈ ಪಾಲಿಸಿಯನ್ನು ಖರೀದಿಸಲು ಯಾವುದೇ ಅರ್ಹತಾ ಮಾನದಂಡಗಳಿವೆಯೇ?

5 ವರ್ಷಗಳಿಂದ 65 ವರ್ಷಗಳ ವಯಸ್ಸಿನ ನಡುವಿನ ಜನರು ಗಂಭೀರ ಅನಾರೋಗ್ಯ ಇನ್ಶೂರೆನ್ಸ್ ಪಾಲಿಸಿಗೆ ಅಪ್ಲೈ ಮಾಡಬಹುದು 45 ವರ್ಷಗಳ ನಂತರದ ವ್ಯಕ್ತಿಗಳಿಗೆ ಪಾಲಿಸಿ ಪೂರ್ವ ವೈದ್ಯಕೀಯ ತಪಾಸಣೆ ಅಗತ್ಯವಿದೆ.

7. ಗಂಭೀರ ಅನಾರೋಗ್ಯ ಕವರ್ ನಿಮ್ಮ ಅಡಮಾನವನ್ನು ಪಾವತಿಸುತ್ತದೆಯೇ?

ಹೌದು, ಪಾಲಿಸಿ ಕವರೇಜ್ ಈ ಸೌಲಭ್ಯವನ್ನು ಒಳಗೊಂಡಿದ್ದರೆ ಗಂಭೀರ ಅನಾರೋಗ್ಯವು ನಿಮ್ಮ ಹೆಲ್ತ್ ಅಡಮಾನವನ್ನು ಪಾವತಿಸಬಹುದು.

8. ಗಂಭೀರ ಅನಾರೋಗ್ಯದ ಪಾವತಿಯನ್ನು ಪಡೆಯಲು ಎಷ್ಟು ಸಮಯ ತೆಗೆದುಕೊಳ್ಳುತ್ತದೆ?

ಸಾಮಾನ್ಯವಾಗಿ, ಗಂಭೀರ ಅನಾರೋಗ್ಯದ ಹೆಲ್ತ್ ಇನ್ಶೂರೆನ್ಸ್ ಪೂರೈಕೆದಾರರು ಕ್ಲೈಮ್ ಸಲ್ಲಿಸಿದ 30 ದಿನಗಳ ಒಳಗೆ ಪಾವತಿಯನ್ನು ಪೂರ್ಣಗೊಳಿಸುತ್ತಾರೆ. ಆದಾಗ್ಯೂ, ಈ ಕಾಲಾವಧಿಯು ಒಬ್ಬ ಇನ್ಶೂರೆನ್ಸ್ ಪೂರೈಕೆದಾರರಿಂದ ಇನ್ನೊಬ್ಬರಿಗೆ ಬದಲಾಗಬಹುದು.

9. ಗಂಭೀರ ಅನಾರೋಗ್ಯ ಇನ್ಶೂರೆನ್ಸ್ ಎಷ್ಟು ಪಾವತಿಸುತ್ತದೆ?

ಕ್ರಿಟಿಕಲ್ ಇಲ್ನೆಸ್ ಇನ್ಶೂರೆನ್ಸ್ ಪ್ಲಾನ್‌ನ ಪೇ-ಔಟ್ ಮೊತ್ತ ಅಥವಾ ಶೇಕಡಾವಾರು ಪ್ರಮಾಣವು ಪಾಲಿಸಿಯಿಂದ ಪಾಲಿಸಿಗೆ ಬದಲಾಗುತ್ತದೆ.

10. ನಾನು ಎಷ್ಟು ಗಂಭೀರ ಅನಾರೋಗ್ಯದ ಕವರೇಜ್ ಪಡೆಯಬೇಕು

ನೀವು ಪಡೆಯುವ ಕವರೇಜ್‌ಗೆ ಯಾವುದೇ ನಿಖರವಾದ ಮೊತ್ತವಿಲ್ಲ. ಜೀವನಶೈಲಿ, ವಯಸ್ಸು, ವಾಸದ ನಗರ, ಆದಾಯ, ಮುಂತಾದ ಹಲವಾರು ಅಂಶಗಳನ್ನು ಪರಿಗಣಿಸಲಾಗುತ್ತದೆ.

11. ಗಂಭೀರ ಅನಾರೋಗ್ಯದ ಕವರ್‌ನಲ್ಲಿ ಯಾವ ಕಾಯಿಲೆಗಳನ್ನು ಕವರ್ ಮಾಡಲಾಗುತ್ತದೆ?

ಗಂಭೀರ ಅನಾರೋಗ್ಯದ ಇನ್ಶೂರೆನ್ಸ್ ಪಾಲಿಸಿಯು ಅಂಗಾಂಗ ಕಸಿ, ಹೃದಯಾಘಾತ, ಮೂತ್ರಪಿಂಡದ ವೈಫಲ್ಯ, ಕ್ಯಾನ್ಸರ್ ಮುಂತಾದ ಗಂಭೀರ ಕಾಯಿಲೆಗಳ ವಿರುದ್ಧ ಹಣಕಾಸು ಕವರೇಜ್ ಒದಗಿಸುತ್ತದೆ. ಈ ಪಾಲಿಸಿಯು ಈ ಕಾಯಿಲೆಗಳಿಗೆ ಚಿಕಿತ್ಸೆ ನೀಡುವುದಕ್ಕೆ ಸಂಬಂಧಿಸಿದ ಗಣನೀಯ ವೆಚ್ಚಗಳ ವಿರುದ್ಧ ಒಂದು ಇಡಿಗಂಟು ಮೊತ್ತದ ಕವರೇಜ್ ನೀಡುತ್ತದೆ ಮತ್ತು ಈ ಪಾಲಿಸಿಯು ಮೂಲಭೂತ ಹೆಲ್ತ್ ಇನ್ಶೂರೆನ್ಸ್ ಪ್ಲಾನ್‌ಗಿಂತ ಮೇಲ್ಮಟ್ಟದ್ದಾಗಿದೆ.
ಗಂಭೀರ ಅನಾರೋಗ್ಯ ಪಾಲಿಸಿಯು ಈ ರೀತಿಯ ರೋಗಗಳನ್ನು ಕವರ್ ಮಾಡಬಹುದು:

  • ಕ್ಯಾನ್ಸರ್
  • ಸಂಪೂರ್ಣ ಕುರುಡುತನ
  • ಕಿಡ್ನಿ ವೈಫಲ್ಯ
  • ಹಾರ್ಟ್ ವಾಲ್ವ್ ಶಸ್ತ್ರಚಿಕಿತ್ಸೆ
  • ಕೊರೋನರಿ ಆರ್ಟರಿ ಶಸ್ತ್ರಚಿಕಿತ್ಸೆ (ಬೈಪಾಸ್ ಶಸ್ತ್ರಚಿಕಿತ್ಸೆ)
  • ಸ್ಟ್ರೋಕ್
  • ಹಾರ್ಟ್ ಅಟ್ಯಾಕ್ (ಮೈಯೋಕಾರ್ಡಿಯಲ್ ಇನ್ಫಾರ್ಕ್ಷನ್)
  • ಪ್ರಮುಖ ಅಂಗ ಕಸಿ
  • ಓರ್ಟಾ ಗ್ರಾಫ್ಟ್ ಶಸ್ತ್ರಚಿಕಿತ್ಸೆ
  • ಮಲ್ಟಿಪಲ್ ಸ್ಕ್ಲೆರೋಸಿಸ್
  • ಕೋಮಾ
  • ಪ್ಯಾರಾಲಿಸಿಸ್
*ಪ್ರತಿ ಗಂಭೀರ ಅನಾರೋಗ್ಯ ಪಾಲಿಸಿಯು ಬೇರೆ ಬೇರೆ ಕಾಯಿಲೆಗಳನ್ನು ಕವರ್ ಮಾಡುತ್ತದೆ. ಮೇಲೆ ತಿಳಿಸಲಾದ ಕಾಯಿಲೆಗಳು ಕೆಲವು ಸಾಮಾನ್ಯ ಸೇರ್ಪಡೆಗಳಾಗಿವೆ. ನಿಮ್ಮ ಪಾಲಿಸಿಯಲ್ಲಿ ಯಾವ್ಯಾವುದನ್ನು ಸೇರಿಸಲಾಗಿದೆ ಎಂದು ತಿಳಿಯಲು ಪಾಲಿಸಿ ನಿಯಮಾವಳಿಗಳನ್ನು ಎಚ್ಚರಿಕೆಯಿಂದ ಓದಬೇಕೆಂದು ಕೋರುತ್ತೇವೆ.

12. ಗಂಭೀರ ಅನಾರೋಗ್ಯ ಇನ್ಶೂರೆನ್ಸ್‌ನಲ್ಲಿ ಏನನ್ನು ಕವರ್ ಮಾಡಲಾಗುವುದಿಲ್ಲ?

ಗಂಭೀರ ಅನಾರೋಗ್ಯ ಪಾಲಿಸಿಯಲ್ಲಿ, ಧೂಮಪಾನ, ಡ್ರಗ್ ಸೇವನೆ, ಆಲ್ಕೋಹಾಲ್, ತಂಬಾಕು ಇತ್ಯಾದಿಗಳಿಂದ ಉಲ್ಬಣವಾದ ಯಾವುದೇ ಕಾಯಿಲೆಗಳನ್ನು ಸೇರಿಸಲಾಗುವುದಿಲ್ಲ. ಇದಲ್ಲದೆ, ಬಾಹ್ಯ ಅಥವಾ ಆಂತರಿಕ ಜನ್ಮಜಾತ ತೊಂದರೆಗಳಿಂದ ಬಂದ ಕಾಯಿಲೆಗಳನ್ನು ಪಾಲಿಸಿಯು ಒಳಗೊಂಡಿರುವುದಿಲ್ಲ. ಜೊತೆಗೆ, ಈ ಪಾಲಿಸಿಯು ಗರ್ಭಧಾರಣೆ ಮತ್ತು ಹೆರಿಗೆ-ಸಂಬಂಧಿತ ಗಂಭೀರ ಸಮಸ್ಯೆಗಳನ್ನು ಕವರ್ ಮಾಡುವುದಿಲ್ಲ.
ಕ್ರಿಟಿಕಲ್ ಹೆಲ್ತ್ ಇನ್ಶೂರೆನ್ಸ್ ಪಾಲಿಸಿಯು, ಸ್ವಂತ-ಹಾನಿ, ಸಾಹಸ ಕ್ರೀಡೆಗಳು ಅಥವಾ ಯುದ್ಧದ ಗಾಯಗಳನ್ನು ಕವರ್ ಮಾಡುವುದಿಲ್ಲ. ಅಲ್ಲದೆ, ಚಿಕಿತ್ಸೆಯ 30 ದಿನಗಳ ಒಳಗೆ ಒಬ್ಬ ವ್ಯಕ್ತಿಯು ಸಾವಿಗೀಡಾದರೆ ಯಾವುದೇ ಪರಿಹಾರ ಇರುವುದಿಲ್ಲ.

13. 36 ಗಂಭೀರ ಅನಾರೋಗ್ಯಗಳು ಯಾವುವು?

ಗಂಭೀರ ಅನಾರೋಗ್ಯ ಯೋಜನೆಗಳ ಅಡಿಯಲ್ಲಿ ಕವರ್ ಆಗುವ 36 ಅತ್ಯಂತ ಸಾಮಾನ್ಯ ಗಂಭೀರ ಅನಾರೋಗ್ಯಗಳು/ಕಾಯಿಲೆಗಳ ಪಟ್ಟಿ ಇಲ್ಲಿದೆ:
1. ಕಿಡ್ನಿ ವೈಫಲ್ಯ
2. ಕ್ಯಾನ್ಸರ್
3. ಹೃದಯಾಘಾತ
4. ಸ್ಟ್ರೋಕ್
5. ಮಲ್ಟಿಪಲ್ ಸ್ಕ್ಲೆರೋಸಿಸ್
6. ಪಾರ್ಕಿನ್ಸನ್ಸ್ ರೋಗ
7. ಟರ್ಮಿನಲ್ ಅನಾರೋಗ್ಯ
8. ಕೋಮಾ
9. ಎನ್ಸೆಫಲೈಟಿಸ್
10. ಪೂರ್ಣ-ಪ್ರಮಾಣದ ಏಡ್ಸ್
11. ದೀರ್ಘಕಾಲದ ಶ್ವಾಸಕೋಶ ರೋಗ
12. ಪೊಲಿಯೋಮೈಲೈಟಿಸ್
13. ಮೋಟಾರ್-ನ್ಯೂರಾನ್ ರೋಗ
14. ಮಸಲ್ ಡಿಸ್ಟ್ರೋಫಿ
15. ಬೆನೈನ್ ಬ್ರೈನ್ ಟ್ಯೂಮರ್
16. ದೀರ್ಘಕಾಲದ ಲಿವರ್ ರೋಗ
17. ಅಲ್ಜೀಮರ್ಸ್ ಕಾಯಿಲೆ
18. ಲ್ಯಾಪರಾಟಮಿ ಅಥವಾ ಥೊರಾಕಾಟಮಿ ಸಹಾಯದೊಂದಿಗೆ ಅಯೋರ್ಟಾ ಶಸ್ತ್ರಚಿಕಿತ್ಸೆ
19. ಗಂಭೀರ ಹೆಡ್ ಟ್ರಾಮಾ
20. ಅಪಾಲಿಕ್ ಸಿಂಡ್ರೋಮ್
21. ಬ್ಯಾಕ್ಟೀರಿಯಲ್ ಮೆನಿಂಜೈಟಿಸ್
22. ಶಾಶ್ವತ ಮೂಕತನ
23. ಪ್ಯಾರಾಪ್ಲೆಜಿಯಾ
24. ಕ್ರೇನಿಯಾಟಮಿ ಅಥವಾ ಮೆದುಳಿನ ಶಸ್ತ್ರಚಿಕಿತ್ಸೆ
25. ಸೋಂಕಿತ ರಕ್ತವನ್ನು ಪಡೆಯುವಾಗ ರಕ್ತಪೂರಣದ ಮೂಲಕ ಒಬ್ಬ ವ್ಯಕ್ತಿಗೆ ಏಡ್ಸ್ ಸೋಂಕು ತಗುಲಿದ್ದರೆ
26. ದೀರ್ಘಕಾಲದ ನಿರಂತರ ಬೋನ್ ಮ್ಯಾರೋ ವೈಫಲ್ಯ ಮತ್ತು ಅದರಿಂದ ಉಂಟಾಗುವ ಅನೀಮಿಯಾ
27. ದೇಹದ ಕನಿಷ್ಠ 20% ಭಾಗದಲ್ಲಿ ಥರ್ಡ್-ಡಿಗ್ರಿ ಸುಟ್ಟಗಾಯ ಅಥವಾ ಗಂಭೀರ ಸುಟ್ಟಗಾಯಗಳು
28. ಶಾಶ್ವತ ಅಥವಾ ಸಂಪೂರ್ಣ ಕಿವುಡುತನ
29. ಹೃದಯ, ಕಿಡ್ನಿ, ಶ್ವಾಸಕೋಶ, ಲಿವರ್ ಅಥವಾ ಬೋನ್ ಮ್ಯಾರೋನಂತಹ ಅಂಗದ ಪ್ರಮುಖ ಕಸಿ
30. ದೇಹದಲ್ಲಿನ ಅಸಾಮಾನ್ಯತೆಗಳು ಅಥವಾ ದೋಷಗಳಿಂದಾಗಿ ಹೃದಯದ ವಾಲ್ವ್ ಬದಲಿಸುವಿಕೆ
31. ಶಾಶ್ವತ ಅಥವಾ ಸಂಪೂರ್ಣ ಕುರುಡುತನ
32. ಗಾಯ ಅಥವಾ ಮಲಿನ ರಕ್ತದ ಸೋಂಕಿನಿಂದಾಗಿ ವೈದ್ಯಕೀಯ ಸಿಬ್ಬಂದಿಯ ಮೂಲಕ ತಗುಲಿದ ಏಡ್ಸ್
33. ಫುಲ್ಮಿನೆಂಟ್ ವೈರಲ್ ಹೆಪಟೈಟಿಸ್ ಎಂಬುದು ವೈರಸ್‌ನಿಂದ ಉಂಟಾಗುವ ಲಿವರ್‌ನ ಗಂಭೀರ ನೆಕ್ರೋಸಿಸ್ ಆಗಿದ್ದು, ಇದರಿಂದ ಲಿವರ್ ವೈಫಲ್ಯ ಆಗಬಹುದು
34. ಸರ್ಕಂಫ್ಲೆಕ್ಸ್, ಆರ್‌ಸಿಎ, ಎಲ್ಎಡಿ ಎಂಬ ಮೂರು ಪ್ರಮುಖ ಧಮನಿಗಳಲ್ಲಿ ಲೂಮೆನ್‌ ಕಿರಿದಾಗುವುದರಿಂದ ಇನ್ನೊಂದಿಷ್ಟು ಗಂಭೀರ ಕೊರೋನರಿ ಹೃದಯ ರೋಗಗಳು ಬರುತ್ತವೆ
35. ಪ್ರೈಮರಿ ಪಲ್ಮನರಿ ಆರ್ಟೀರಿಯಲ್ ಹೈಪರ್‌ಟೆನ್ಶನ್
36. ಮೆಡುಲ್ಲರಿ ಸಿಸ್ಟಿಕ್ ರೋಗ

ಉತ್ತಮ ಸಿಬಿಲ್ ಸ್ಕೋರ್, ಲೋನ್‌ಗಳು ಮತ್ತು ಕ್ರೆಡಿಟ್ ಕಾರ್ಡ್‌ಗಳ ಮೇಲೆ ಉತ್ತಮ ಡೀಲ್ ಪಡೆಯಲು ಸಹಾಯ ಮಾಡುತ್ತದೆ ಎಂದು ನಿಮಗೆ ಗೊತ್ತೇ?